Archive | 2006

Marihuana, droga ala botika?

Gaur egun asko eztabaidatzen ari den gaia da hau. Ez hemen bakarrik , baita Europa mailan ere. Marihuana sendatzeko ere erabil al daiteke? Jende askoren iritziz marihuana edo cannabisa droga bat besterik ez da eta beste batzuentzat, berriz, gaixotasun askok eragiten duten mina ezerezteko balio duen sendabelarra.

Hainbat medikuk frogatu duen bezala, cannabisak medikuntzaren arloan milaka erabilpen ditu, adibidez, minbiziak eragiten duen mina gutxitu edota epilepsia sendatzeko erabili ohi da, besteak beste.

1937.urtera arte sendagai legala izan zen Marihuanak medikuntza alorrean, esan bezala, erabilpen ugari izan ditu eta ditu. Garai hartan, 1937an, nerbioetako gaixotasunetarako erabili ohi zen.

Zenbait estatutan cannabisa legalizaturik dago, bai medikuntza arloan bai droga legala bezala. Holandan, adibidez, coffee-shopetan saltzen dute. Espainian oraindik ez da legalizatu eta, gainera, iritzi ezberdinak daude legalizazioaren inguruan. Batzuen iritziz marihuana, droga besterik ez denez, ez da legalizatu behar. Beste batzuen aburuz, aldiz, minbizia eta horrelako gaixotasunak eragiten duten mina arintzeko legalizatu egin beharko litzateke.

Gaur egun, zigortua dago cannabisarekin trafikatzea edo berau kontsumitzea, baina kontuan hartuta bere ahalmen sendatzailea, horrek ba al du zentzurik? Ez al dira konturatzen gaixo dagoen jendea sufritzen ari dela? Bakoitzak ikusiko du zer egiten duen baina, nire uste apalean, kasu hauetan ondo legoke legalizatzea. Zer deritzozue?

Comments { 2 }

Gidabaimen berriak kezkatzen zaitu?

Gida baimen berriak kreditu txartel baten itxura izango du Jadanik jakina da uztailean lege berria martxan jarriko dela, puntuen bidezko gidabaimena. Lege hau, aspaldidanik martxan dago europar estatu batzuetan: Frantzian, Alemanian, Britainia Handian eta Italian, hain zuzen ere.

Lege hau aurrera ateratzean, bost urtetan, %40 jaitsiko direla istripuak uste du gobernuak, horrela gertatu baita beste europar estatutan eta horrekin batera urtero izaten diren ehunka hildakoak gutxitu. Estatu mailan 5400 hildako izaten dira urtero, beste edozein estatutan baino gehiago.

Gidabaimen berria atzetik

Gidabaimen berri honek ez du aurreko legea aldatuko. Lehen jarrita zegoen araudia mantendu egingo da eta orain puntuak ere kendu egingo dira.

Hasiera batean, gidariak hamabi puntu izango ditu eta hiru urte baino gutxiagokoak, aldiz ,zortzi besterik ez. Aurretik puntu guztiak galdu dituenak ere zortzi puntu izango ditu. Puntuak sei, lau, hiru, edo binaka galdu daitezke eta isuna 600 €ra irits daiteke oso larria bada. Puntu horiek berreskuratzeko, guztiak galdu ondoren, hamabi orduko ikastaro bat egin behar da eta bertan lau puntu ematen dituzte. Halaber, puntu guztiak berreskuratzen dira hiru urtetan arau guztiak betetzen badituzu eta sei urte ondoren hiru gehiago lor ditzakezu eta hamabost puntu izan.

Sei puntu galdu: (zigorrik handiena)

. Positibo ematen baduzu kontrol batean eta 0,75 mg/lko muga gainditzen baduzu.
. Drogatuta gidatzeagatik
. Alkoholemia kontrola egin nahi ez izateagatik
. Ondorengo abiaduren gainetik gidatzeagatik: 181km/h autopistan, 136km/h errepidean eta 81km/h hiri barruan.

Lau puntu galdu:

. Alkoholemia tasa 0,25 tik 0,75 mg/l -ra bada
. Gelditu edo pasatzen utzi seinaleak errespetatzen ez badira
. Zebrabideak ez errespetatzeagatik

Hiru puntu galdu:

. Telefono mugikorrarekin hitz egiteagatik,
. Argiak ez pizteagatik,
. Geratze arriskutsuak egiteagatik.

Bi puntu galdu:

. Segurtasun-uhalik gabe gidatzeagatik,
. Aurreratze arriskutsu bat egiteagatik,
. Umeen segurtasun bereziak ez erabiltzeagatik.

Puntu galerei buruz gehiago jakin nahi baduzu, klikatu hemen.
Halaber, DGTaren web orrian gauza ugari topatuko duzu gai honen inguruan.

Comments { 1 }

Sagarrondotik 06 hemen da!

Iritsi da askorentzat Euskal Herriko jaialdi onenetarikoa: SAGARRONDOTIK 06 JAIALDIA. Aurtengoa laugarren edizioa izango da; IZAN ERE, 2003.urtean hasi baitziren ospakizun hau egiten eta, ordutik, urtero aurrera eraman den proiektua izan da. Sagardoaren Kultura Sustatzeko Elkarteak (SKSE) antolatzen du berau eta izugarrizko arrakasta izan du lehengoz egin zenetik.

Elkarte honek hainbat udalerri eta inguruko hainbat sagardogile, kofradia,elkarte…biltzen ditu. SKSEk gure lurraldearen kultura eta ikuspegi ezberdinak munduari erakutsi nahi dizkio eta bere helburua sagardoaren inguruko eragile gehien elkartzea da hein handi batean. Aniztasuna du filosofiatzat talde honek, eta honela, euskal espresio mota ezberdinak sustatzen ditu, hau da, euskal olerki, bertso, herri kirol, antzerki eta abarrak eta hau dena plazaratzeko SAGARRONDOTIK jaialdia ospatuko du Sagardoaren Kultura Sustatzeko Elkarteak.

Ekitaldi hau otsailaren 26an hasiko da eta 29an emango zaio amaiera. Inauguratzeko “Zaharregia, txikiegia agian” lanaren amaiera izango da ikusgai. 27 eta 28an kontzertu ikaragarriak izango dira Hernanin eta 28an bertan herri kirolak Usurbilen. Amaitzeko, 29an Euskal Herriko II. Sagardo Mostra izango da Astigarragan.
Jakin badakidalako gazteoi gehien intesatzen zaiguna kontzertuak direla, horra hor berauen zerrenda:
Ostirala, martxoak 17, gaueko 21:00etan hasita:
–CHAMBAO
–THC
–SORKUN
–LOQUILLO Y TROGLODITAS
–O´FUNK´ILLO.
Larunbata martxoak 18, gaueko 21:00etan hasita:
–MORODO & RANKING SOLDIERS –BERRI TXARRAK
–CELTAS CORTOS ( Jesus Cifuentes-ekin)
–BETAGARRI
–LIVING COLOUR

Beno, ikusten duzuenez izugarrizko parranda egfiteko aukera izango dugu, giro aparta izango baita. Beraz, badakizue azterketen ondoren denok Sagarrandorora! Ondo pasa!
Informazio gehigarriren bat edo xehetasunen bat nahi izanez gero, klikatu hemen.

Comments { 0 }
-->