Archive | kirola

Michael Phelps-ek, 21 urteko igerilari ospetsuak, bere lehenengo agerpena 15 urte zituelarik egin zuen 2000. urteko olinpiadetan. Nahiz eta adinez gaztea izan, ez zuen oztoporik izan bertan parte hartu ahal izateko. Ez zuen dominarik jasotzea lortu, baina bai munduko lehenengo bost onenetarikoen artean egotea, 200 metro tximeleta frogan.

Hortik gutxira, Sidneyen, hain zuzen ere, errekor batzuk hautsi zituen, 15 urteko gizonezkoetan onena bilakatuz. Errekor horietako bat 200 metro tximeleta izan zen 1:54:58 denbora eginez, Fukuokako (Japón) munduko txapelketan.

2004. urtean Atenasen izan ziren olinpiadak. Ordurako irabazita zuen ospea zela eta, Mark Spitz igerilari famatuarekin alderatzen zuen jende guztiak. Mark Spitz bere garaiko igerilaririk ospetsuena zen, 1972. urtean, urrezko zazpi domina irabaztea lortu zuen igerilari bikaina. Phelpsek gauza bera erdiesteko aukera bere esku izan zuen Atenaseko joko olinpikoetan. Ahalegin handiak eginda ere, ez zituen lortu urrezko zazpi domina haiek bere taldeko erreleboak huts egin baitzuen. Erreleboan parte hartu zuten lau taldekideak ez ziren gaizki aritu, hirugarren postu zoragarri bat lortu zuten, baina ez zen aski izan Mark Spitzen ekintza gogoangarria parekatzeko. Hala ere, urte berean bere lehenengo urrea irabazi zuen 400 metro estiloetan, munduko errekor berria 4:08:26an ezarriz.

Interesgarria iruditu bazaizue, hemen klikatuz igerilari aparta honi buruzko informazio gehiago izango duzue.

Besterik gabe, hementxe uzten dizuet aurkitu dudan bideo hau. Ea gustuko duzuen…

Guztiok dakigunez, hiru euskal talde ditugu ACB ligan: TAU Ceramica, Lagun Aro Bilbao Basket eta Bruesa GBC.

Tauren kasuan, bikain hasi du denboraldia, 7 garaipen jarraian lortuz. Hala ere, asteburu honetan ezagutu du lehen aldiz porrota zer den, galdu egin baitu Caja San Fernandoren aurka (90-99) etxetik kanpo jokatu duen partidu honetan.

Bestalde, Polaris World Murciaren aurka jokatu du Lagun Arok igande goizean eta honek ere ez du zorte handirik izan galdu egin baitu 60-51ko emaitzaz.

Bi garaipen eta bost porrot izan dira orain arte Bruesaren lorpenak ACB ligan hasi denetik eta, igande honetan, Alta Gestión Fuenlabradaren kontra jokatu du Illunben. Bruesak ez du ezagutu oraindik etxean irabaztea zer den, eta orain arteko bost porrotei seigarrena batu behar zaie 69-79 galdu baitu talde gipuzkoarrak.

Sailkapenari begiratu bat emanez gero, momentuz TAU bigarren postuan kokaturik ikusten dugu, aurretik Real Madrid duelarik partidu bakar bat ere galdu gabe. Bruesa GBC eta Lagun Aro, ordea, sailkapenaren behe aldean daude, 15 eta 16. postuan.

Hurrengo jardunaldiak ondorengoak dira:

• Winterthur F.C. Barcelona – Bruesa GBC
• C.B. Granada – Lagun Aro Bilbao Basket
• Tau Cerámica – Akasvayu Girona

Zorte ona opa diegu 3 taldeei eta beraien aurtengo helburuak bete ditzatela, bai tituluren bat lortzea bada eta baita ACB maila honetan irautea bada ere.

Hala eta guztiz, ez gara geure inguruko saskibaloiaz ahaztuko, Ordizian bertan geure taldeak baitauzkagu. Jakintza ikastolako ikasle askok jokatzen dugu hemen, baina, ez gara bakarrak, gure irakasle batzuk ere Ordizia saskibaloi taldeko jokalari izan baitira urte askoz. Ordiziasaski orrialdean sartuz, informazio gehiago lortu ahal izango duzue. Ea irudiak ikusiz nork ezagutzen dituen gure irakasleak!

Urtero bezala, Errege Kopa hasi da. Aurten, lehen mailako taldeak fase bat beranduago sartu dira. Beraz joan–itzulian hasi dira. Aldaketa honek izugarrizko gatazkak sortu ditu 2, 2B eta 3. mailako taldeetan. Honela, bizpahiru talde txikik aukera izango dute talde txikien aurka jokatzeko. Aldaketa honek baditu bere abantailak Realarentzat. Izan ere, azken urte hauetan ez du hirugarren fasea ezagutu. Hala ere, lehen norgehiagokan ikusi denez, hurrengo urtera arte itxaron beharko dugu partidu bat irabazteko.

Aurten talde nahiko erraza tokatu zaio Realari; izan ere, bigarren mailako Malaga taldea baita bere aurkaria. Hala ere, ikusita aurtengo martxa ligan eta aurrekoan ikusitako markagailua 4-1, ezin dugu askoz gehiago espero. Dena den, Lotinaren lehen norgehiagoka ikusita, esperantza txiki bat badago. Gainera, gure taldeak badu gogoa gauzak ondo egiten hasteko eta Errege Kopa aukera ona izan dezake, baldin eta arbitroak ez badie Realeko jokalariei txartel gorria ateratzen. Gogoratu, aurreko norgehiagokan ikusi genuen bezala, Malaga talde txarra izan arren, badakiela jokatzen eta, ondorioz, 1-1 zihoazenean (txartelena gertatu ostean) 3 gol gehiago sartu zituela.

Pasa den igandean, Realak nahiko ondo jokatu zuen; hala ere, ez zuen garaipena lortu. Kontuan izanda Lotinak Reala esku artean zuen lehenengo aldia zela, ez ziren hain gaizki ibili. Nik uste dut denbora apur bat eman behar zaiola…

Iaz Amorrortuk ez zion inongo garrantzirik eman Kopari eta hau zaleoi ez zitzaigun ezer ere gustatu. 5 urte daramatzat Anoetara astero joaten . Hori bai, ezin izan dut Errege kopako partidurik ikusi. Aurten ikusiko dut baina zaila da bigarren bat ikustea. Nire uste apalean, 1go mailako talde bat 3. faseraino ez sailkatzea penagarria da. Entzun dudanez, azken 6 urte hauetan bera da 3. fasera arte sailkatu ez den 1go mailako talde bakarra. Honek Realaren azken 4 -5 urteetako ibilbidea garbi adierazten du, ezta?

Penagarria da, halaber, daukagun dirua ikustea. Azken presidenteak izugarrizko lapurreta egin zuen eta orain Fuentes eta bere lagunak ez dakite nondik atera dirua. Eta, gainera, ez badugu fitxaketekin asmatzen, bada, atera kontuak…Onartu beharrean gaude azken fitxaketa hauek ez direla oso onak izan (Stevanovic, Cifu, Juanito, Bravo…). Ea Zubiaurren 5 milioi euroekin jokalari onen bat fitxatu eta ligan gora egiten dugun, bestela, gureak egin du!

• Espanyol (iazko garailea) – Rayo Vallecano (lehen partidua 1-1 bukatu zuten).
• Real Madrid–Ecija (2B) (hauek ere lehen partidua 1-1 bukatu zuten).
• Barcelona–Badalona(2B) (1-2 aurreko partiduan).

Errege Koparen azken urteetako garaileak ikusi nahi badituzue, egin klik hemen. Bestalde, hemen klikatuz, markagailu guztiak ikusteko aukera izango duzue.

Ea Realak aurten ondo jokatzen duen eta lehen fasea pasatzen duen!