Archive | musika

Aupa, denoi! gaur, otsailaren 3a, ostirala, Pello Ramirez izango dugu protagonista Ordiziako Herri Antzokian. Betidanik izan duen musikarekiko zaletasunak diska paregabe bat kaleratzera eraman du: Haize oihalak, hain zuzen ere, non primerako konpositore eta musikagilea dela erakusten digun.

Pello Ramirez

Sarrerak Barrena kultur etxean daude salgai (9€) eta ikuskizuna 20:00etan hasiko da. Nahiz eta diskan agertzen diren instrumentu guztiak menderatu, bihar arratsaldeko kontzertuan, Juantxo Zeberiok pianoa joko du eta Maider Zapirain eta Juan Joxe Erauskinek biolontxeloa joko dute. Ikuskizun atsegina izango dela dirudi, beraz, animatu zaitezte eta bihar arratsaldean eskaini iezaiozue tartetxo bat ordiziar honi, bere izena gero eta ezagunagoa egiten ari baita.

Argazki hau bere diskaren portada da. 14 abestiz osatuta dago eta iraupen osoa 55 minutu ingurukoa da. Jende guztiari eskainita dagoela esan daiteke, eta edozein momentutan entzuteko aproposa da.

Besterik gabe, agurtzen naiz. Informazio gehiago nahi izanez gero klikatu hemen edo hemen.

Pello Ramirezen musikaz gozatzea espero dut.

Entzuteko klikatu irudian

Bart gauean, oheratutakoan, kantu bat izan nuen buruan bueltaka. Ez nuen gau osoko parrandan kantu hau entzun, beraz, ez dakit nola eta zergatik entzuten nuen kanta hura. Hala ere, aipatu beharra dago hunkitu egin ninduela eta gaur, beraz, zuekin konpartitu nahi dut, doinu gozo eta letra zoragarria baititu. Ea zer deritzozuen!

Dena ilun ikusten den egun horietan
noraezean lainotan galtzen naizenetan
nola begiratzen nauzu zure keinu horrekin
kezka denak uxatuaz soilik irri batekin

Negar erreza daukazu haserretzean
pentsatu gabe elkarri min ematean
emeki hurbiltzen zara isilaraziz dena
musu baten deseginez arrazoi handiena

Noizbait bukatzen bazaizkit zure laztanak
hasperen batean galduz ilusio danak
gatibu geldituko naiz argi bako gauetan
beldurrak izozten diren ordu bako egunetan

Nirekin ez bazeunde
pentsatzen itotzen naiz
bakarrik aurkitzean
eta hitz egiten dizut
biok soilik dakigun
hizkuntza ezkutu honetan

Kantu hau idazten mila aldiz
hitz bakoitzarekin zu ukitu nahirik

Segundo bakoitza zu ez zaudenean
zentzu apurren bat niretzat har dezan

Nota bakoitzean zu sentitu nahirik
hitz bakoitzarekin zu laztandu nahirik
zu ez zaudenean

Zu ez zaudenean, KEN ZAZPI

Kantu hau atzoko parranda gozatu zuten guztiei zuzendu nahi diet eta, batez ere, pertsona berezi bati . Zuen erantzunen zain gelditzen naiz.

Ken Zazpiren kantu gehiagoren letrak ikusi nahi badituzue, klikatu hemen.

Albiste izugarria jaso dugu azken egun hauetan. Urtero bezala, 2006an ere Runnin Hooli Festival-a ospatuko da, eta aurten, gainera, nahiko gertu izango dugu jaialdia, Bartzelonan, hain zuzen ere, 2006ko martxoaren 18an. Joko duten taldeak hauek izango dira: The Opressed, Argy Bargy, eta The Crack . Talde hauetan guztietan famatuena The Opressed talde galestarra dugu.

80. hamarkadan sortu zen talde ospetsu honek utzi egin behar du eszena musikala urte askoren ondoren, eta jaialdi honetan beraien azken kontzertua ikusteko aukera izango dugu. Zuzenean ikusteko azken aukera izango da, beraz, eta, horregatik, Europa osotik jende asko etorriko dela uste dute antolatzaileek. Argy Bargy ikusteko aukera ere izango dugu, Ingalaterrako streetpunk oi! talde bikain honetan Daryl Smith-ek jotzen du, Cock Sparrer-eko bigarren kitarra. The Crack taldea ere bertan izango da, Slade-n soinuaren eragin handia duen streetpunk talde onenetarikoa.

Seguruenik, Lasarteko Kaxkamotz dendak autobus bat antolatuko du bertara joan ahal izateko.