Archive | orokorra

Azkenaldi honetan, helduentzako marrazki bizidunekin topo egitea ohiko bihurtu da. Telebistan arrakasta gehiena izan dutenak Los Simpson eta Padre de familia (Family Guy) dira.

Los Simpson telesaioa oso ikusia da honezkero, behin eta berriz errepikatzen dituzte kapitulu berdinak eta jada ez du lehen zuen xarma bera. Padre de familia, berriz, duela gutxi iritsi da telebistara eta sekulako barre-algarak eragiteko gai da.

Telesaio hau familia amerikar bati buruzkoa da. Senide bakoitzaren bizipenak kontatzen ditu bakoitzaren gabeziak agerian utziz eta Estatu Batuetako gizarteari kritika zorrotza eginez. Familia bitxi honen kideak hauek dira: Peter Griffin, Lois, Chris, Meg, Stewie eta Brian.

Peter familiako aita da, arrazista, matxista… eta atzeratu samarra. Lois bere emaztea da, bera egongo ez balitz familiak ezingo luke aurrera atera. Chris ere atzeratua da, baina Peterrek gehien maite duen semea da. Meg, alaba bakarra, erabat baztertua dago, ez du lagunik eta egunero jasan behar izaten ditu bere senideen mespretxuak. Brian, hitz egiten duen txakurra da, kulturaduna, baina baditu bere alde txarrak, adibidez, alkoholikoa da eta arrazista ere bada. Azkenik, Stewie, umetxo bat besterik ez izan arren, oso azkarra da. Esan beharra dago bere ama hiltzen saiatzen dela behin eta berriz. Pertsonaiarik jostagarriena nire ustez bera da.

Ondoren, telesaio honen une dibertigarri batekin uzten zaituztet. Gehiago ikusi nahi izanez gero, eguerdiro La Sexta kanalean topa dezakezue.

Family Guy – Annoying Stewie – video powered by Metacafe

Ez zaizu inoiz gertatu larunbat gau batean, neska laguna ez duzunean, zure ondotik pasatzen den itxura txarreko mutil bat neska lagunarekin ikustea??? Hau nire lagunek eta nik dugun kezka bat da. Azkenik, honen erantzuna aurkitu dugula uste dugu. Izan ere, aurrekoan Ordiziako zinema tokiko eskaileretan eserita geundela larunbat gauean, Kiska eta Sarri tabernatatik jendea ateratzen ikustean, ondorio batera iritsi ginen: errepikatzaileen %80ak ligatu egiten du. Teoria hau gero eta indar gehiago hartzen ari da. Badirudi gaur egungo neskak mutil “bihurriak�, nolabait esateko, nahiago dituztela. Ados al zaudete gure teoriarekin???

Adibide gisa, nire lagun-taldean gertatzen dena azalduko dizuet. Izan ere, errepikatzaileen artean %75ak neska du; errepikatu ez dugunon artean, aldiz, % 100ak ez du neskarik bere alboan. Beraz, nire teoriaren abiapuntua gure egoera izan daitekeela esan dezakegu.

Hala ere, badakigu bolada hau modaz pasatuko dela edo hori espero dugu, behintzat. Unibertsitatera joateko asmoa dugu gehiengok eta jadanik buruan dugu egia ote den bertan gehiago ligatzen dela. Egia bada, filmetan ikusten diren gertaera bitxiak bizi ahal izango ditugu.:wink: Hala ere, oraindik ia urtebete itxaron beharko dugu gertaera hauek egia diren edo ez jakiteko.

Gainera, esan beharrean nago, Gabon hauetan teoria honek indarra galduko zuelako esperantza izpi bat banuela (jendea gehiago ateratzen da, denok alaiago gaude oporretan…). Tira! Ezer ez!!! Lehen bezala gaude…Dena den, beste teoriaren bat baduzue, niri eta nire lagunei gustatuko litzaiguke jakitea. Eta zuek zer moduz zabiltzate ligatzeko orduan? 🙂

Izarrak hiltzean, beraien tamainen arabera, zenbait fenomeno desberdin proboka ditzakete, esaterako, zulo beltzak edo neutroi-izarrak.

Gure Eguzkia hiltzen denean, noba izeneko leherketa itzel bat gertatuko da eta gure izarraren masaren zati handiena espazioan zehar sakabanatuko da. Espazioan zehar hedatu ez den masaren zatia nano txuri bat bilakatuko da. Nano txuri berri hori Lurraren tamainakoa izango da gutxi gorabehera baina bere dentsitatea askoz ere handiagoa. Ideiatxo bat izan dezazuen, nano txuri batetik hartutako koilarakada batek 100 kilogramo inguru pisatuko luke.

Baina izarraren masa Eguzkiarena baino3 aldiz handiagoa bada, beste fenomeno ezberdin bat gertatuko da. Izarra hiltzean, supernoba izeneko leherketa bat gertatuko da eta aurrekoan bezala, masaren zati bat ez da espazioan zehar hedatuko. Sakabanatu ez den masa hori hain handia da, non elektroiak ezin duten presioa jasan eta, nukleoko protoiekin fusionatuz, neutroi bilakatzen diren. Honela, neutroi-izar bilakatzen dira. Izar berri honen diametroa lurra baino askoz ere txikiagoa (20 kilometrotik 60ra) izan daiteke, baina bere dentsitatea izugarri handia da. Neutroi-izar baten koilarakada batek ehun milioi bat tona pisatuko lituzke bere dentsitatea 1016 kg/m3 ingurukoa izango baita.

Badago beste bukaera bat izarrentzat: zulo beltz bilakatzea. Izarraren masa Eguzkia baino 8 aldiz handiagoa bada neutroiek ezin dute presioa jasan eta zulo beltz bilakatzen dira. Zulo hau hain konprimituta dago, non bere tamaina nulua den. Horregatik, dagoen dentsitatea pentsaezina da ia infinitua baita. Sortzen duen grabitate indarra ere infinitua da. Bertatik ateratzeko abiadura argiaren abiadura da; hori dela eta, bere barnetik ezin da ezer atera, argia ere ez. Bertan geure munduko lege fisikoak ez dute balio eta ez dakigu bere barnean gerta daitezkeen fenomenoak zeintzuk izan daitezkeen. Jakin-mina pizteko modukoa, ezta?