Archive | orokorra

Semir Osmaganasic arkeologo serbiarrak Europako lehenengo piramidea izan daitekeenari buruzko frogak aurkitu ditu. Aurkikuntza Sarajevotik 30 kilometrora izan da, Visoko herrian.

Ezaugarri guztiak ditu: puntu kardinaletara zuzenduriko lau malda erregular, gain laua eta sarrera bat.

Horixe ziurtatu zuen azken hamabortz urte hauetan piramide iberoamerikarrak aztertzen aritu den zientzialariak.

Nahiz eta orain arte ez den piramide europarrik agertu eta antzinako zibilizazioek horretarako asmorik ez erakutsi, Osmaganasicek bide onetik dabilelakoan dago.

Dagoeneko piramidearen sarrera tapa zezaketen harrizko lau bloke atera ditugu. Ez da aditua izan behar bertan piramidea dagoela ikusteko.

Monumentu nazional kontsideraturik dagoen leku hau aztertzeko baimena lortu ostean, lehenengo probak egiten hasi zen mendixkako sei puntuetan Nadja Nuhic geologoaren laguntzaz. Azken honek mendixkako lurrak gizakiak eraldatuak izan zirela frogatu zuen. Hala eta guztiz ere, Houstonen bizi den 45 urteko arkeologoak nahiago du egiten ari den azterketa kontuz egin. Ez duenez inongo ondorio azkarrik atera nahi, lehenengo zeregina mendiaren benetako forma ez dela frogatzea izango da.

Gaia interesgarria iruditzen bazaizue, informazio gehiagorako klikatu hemen edo hemen.

Betidanik uste izan dugu teknologia aurreratuena Alemania edo Ingalaterra inguruan dagoela. Beno, bada, oraingoan gertuago geratzen zaigun aurrerapen teknologiko bati buruz hitz egitera natorkizue, Mare Nostrum-a.

Funtsean ordenagailu bat da baina gure inguruko edozein ordenagailuk baino 5.000 bider potentzia handiagoa du, eta baita 18.000 ordenagailu arrunten antzeko memoria ere. Honek guztiak segundoko 40 bilioi operazio askatzeko aukera ematen dio. Sekulako ordenagailu hau Europan aurkitzen den indartsuena da eta Kataluniako Unibertsitate Politeknikoaren aldameneko gune batean aurkitzen da.

Jada ehunka zientzialari joan dira ordenagailu harrigarriarekin probak egitera, irakurri ahal izan dudanez, adar zientifiko oso desberdinetan baita erabilgarria makina hau, hala nola, farmazia, biologia, kimika, ingeniaritza edo materialen teknologietan. Baina nola? Mateo Valero BSC-CNSko zuzendariak dioenez:

MareNostrumak aplikazio asko dauzka, adibidez, unibertsoaren sorreraren simulazio kosmologikoa, abioi eta barkuen aerodinamika aztertzeko turbulentzien simulazioa, airearen kalitatea aztertzeko iragarpenak eta proteinen elkarreragina medikamentu berrien sorreran, besteak beste.

Makinaren tamaina bere ahalmena bezain ikusgarria da. 9X15X5 metro dituen kristalezko kutxatila batean kokatzen da zati nagusia. Kanpoaldean, lurperaturik, hozteko sistema eta energia transformadoreak kokatu dira. Gelaren beste alde batean segurtasun kontrolak eta etenik gabeko elikadura sistemak ezarri dira. Ea lan gastu ekonomiko zein energetiko honek tamaina berdineko fruituak ematen dizkigun.

Gai hau borobiltzeko ideia bat gehitzea gustatuko litzaidake. Hasieran esan dudan bezala, jakina da gure herria ez dela inoiz teknologia inguruan gehiegi gailendu. Egun Euskal Herrian dugun bizi kalitate onarentzat nahitaezkoa izan da azken mende honetako industriaren garapena. Halere, azken urteotan hainbat sektorek ohartarazi duten bezala, konpetentzia indartsua datorkigu ekialdetik, eta aurrera segitzeko berrikuntzek eguneko kontua izan behar dute. Talde pribatuek bakarrik ekiten badiote ildo honi interes pribatuen menpe egongo da dena, eta ez herrialde osoaren onurarako egokitua.

Honengatik guztiagatik uste dut diru publiko gehiago igorri beharko litzatekeela horrelako zentro eta proiektuak sortzeko. Ikerketak epe motzera etekin garbiak ekartzen ez dituen arren, aurrera oso baliagarriak izango dira.

Gai hau interesatzen bazaizu, jarraitu irakurtzen.

Eusko jaurlaritzak orain gutxi adierazi du Euskal Y-aren obrak aurten hasiko dituztela. Gure kasuan gainera, etxetik oso gertu ezagutuko ditugu berrikuntza hauek, Gipuzkoaren kasuan Ordiziatik Itsasondorako tartean hasiko baitira eraikuntza lanak.

Euskal Y-aren proiektuak izango duen kostua “eskandalagarria” dela esan daiteke, euskal Y-aren kostu osoa 4.178 milioi eurokoa izango baita, horietatik 1.642 miloi euro Gipuzkoako zatia egiteko bideratuko direlarik. Eusko Jaurlaritzak Espainiako Gobernuarekin egindako hitzarmenean, 2010.urterako AHT martxan jartzeko konpromisoa hartu zuen, bidaiarientzat eta merkantziak garraiatzeko balioko duelarik.

Honen haritik, gure herrietako udaletxeetan erreakzio ezberdinak izan dira, zenbait eragile, alderdi eta sindikatuk kontrako jarrera hartu dutelarik.

Proiektua exekuzio-planean dagoela jakin dugu, eta aurrerantzean gurekin bilduko direla espero dugu, obrak hasten badira zuzenean eragingo gaituelako.

Bestalde, Itsasondoko udalak albistea prentsaren bidez jaso dutela salatu eta proiektua gelditzeko eskatu du abiadura handiko trenak ondorio “txikitzaileak” izango dituelako.

Lotsagarria da egitasmoaren berri prentsaren bidez jakin behar izatea; sekulako desinformazioa dago.

Bestalde, aipagarria iruditzen zait AHT geditzeko mila arrazoi daude: eman zeurea! lemapean abian jarri duten kanpainari buruz berri ematea. Helburua herritarrei, gizarte eragileei eta alderdi politikoei AHT gelditzeko zer egiteko prest dauden galdetzea dela azaldu zuten. Bakoitzak bere arlotik konpromisoak hartzea ezinbestekotzat jo zutelarik.

Bukatzeko, AHTren Aurkako Asanbladak lanean jarraitzen duela argi utzi nahi izan zen, egitasmo antiekologiko eta antisozial horren inposizioaren kontrako mugimendua azkartu nahi dutela esanez. Asanblada honi buruzko informazio gehiago nahi baduzu, sakatu hemen.