Gaurko hitza

Updates from Maite Toggle Comment Threads | Keyboard Shortcuts

• 

  Maite 12:42 am on 2009/07/20 Permalink | Reply
  Tags: Z ( 315 )   

  zirrinta 

  iz. (Ipar.) 1. Egunsentia (eskuarki argi-zirrinta eran erabilia). 2. Argi-izpia. (Harluxet Hiztegi Entziklopedikoa)

  Sinonimoak: (1 ) egunsenti, egunabar, goiztiri, ortzondo, alba (2) izpi, errainu. (Adorez Sinonimoen Hiztegia)

  Argi zirrinta minimo bat egin zitzaion bere buruan zuen leize ilunean: berak ordura arte inola ere lotura hori egin ez zuen arren, neska haren zelata bere eguneroko bizitza aspergarriari aurre egiteko antidoto huts jo bazuen ere, orain ezin argi eta fokatuagoa zitzaion lotura. [Pasaia Blues , Harkaitz Cano (Susa, 1999)] (Ereduzko Prosa Gaur)
  

  

  zirrinta (Flickr CC, Memo Vasquez)

   

  Reply

  Required fields are marked *

  Izena *

  E-posta *

  Webgunea

  Gorde nire izena, emaila eta webgunea bilatzaile honetan komentatzen dudan hurrengorako.

  Δ

• 

  Maite 12:24 pm on 2009/07/19 Permalink | Reply
  Tags: G ( 266 )   

  goragale 

  iz. Goraka, oka egiteko gogoa. (Harluxet Hiztegi Entziklopedikoa)

  Sinonimoak: botagale, botagura, goitigale, goitinahi, goralarri, egozgale, okanahi, okada, gorako, gohaindura. (Adorez Sinonimoen Hiztegia)

  Egunak darama Jon gabeko egoera hori irudikatu nahian, baina galdu dituen bi hileko horiek, gehi aspaldi honetako goragale ugariek, behin eta berriro ebatzi diote gogoa. [Bizia lo , Jokin Muñoz. Alberdania, 2003)] (Ereduzko Prosa Gaur)

   
• 

  Maite 8:59 am on 2009/07/18 Permalink | Reply
  Tags: E ( 387 )   

  ezkongetza 

  iz. ERL. Zelibatua. (Harluxet Hiztegi Entziklopedikoa)

  Sinonimoak: (1 ) ezkongetasun (2) zelibatu. (Adorez Sinonimoen Hiztegia)

  Bestaldetik, kultu aniztasuna alde batera utzita ere, lege zibilak saihets dezake indarra eta bortxa erabiltzea, senar-emazte pozgabeak loturik edo ezkon barruko ezkongetza nahitaezkoan iraunarazteko – azken hori deitoragarri izan arren, ohitura nahiz gizartearentzat -. [Frantziako kode zibilaren lehen proiektua , Jean di Portalis / Andres Urrutia (Jakin, 2000)] (Ereduzko Prosa Gaur)

   
• 

  Maite 8:56 am on 2009/07/17 Permalink | Reply
  Tags: I ( 288 )   

  ilunantz 

  iz. Argitasun ahula. (Harluxet Hiztegi Entziklopedikoa)

  Sinonimoak: argiantz (Adorez Sinonimoen Hiztegia)

  Horrenbeste gauzaz egin behar baitzuen amets! Pasabide ilunantz hartan, pixa usainarekin nahastua, Joseba odol lodiz inguratua zegoen, aurpegia zurbil, eskua saihetsean zerbait estaltzen ari balitz bezala. [1100. street-eko geltokia , Iñaki Zabaleta (Elkar, 2003)] (Ereduzko Prosa Gaur)

   
• 

  Maite 8:40 am on 2009/07/16 Permalink | Reply
  Tags: T ( 353 )   

  terreina 

  iz. Garbiketarako ontzia, batez ere harrikoa egiteko edo jatorduetan erabilitako tresneria garbitzeko erabili ohi dena.  (Harluxet Hiztegi Entziklopedikoa)

  Sinonimoak: terrin, treska, azpil, konketa, bazin. (Adorez Sinonimoen Hiztegia)

  Berriro butxatu dira isurbideak, ezin dugu ura jariatzen utzi, tantaka ez bada, ezin dugu komuna erabili, isuskitxoa erabiliz ez bada, eta ur zikina terreina handi batean gorde behar dugu. [Anne Franken egunkaria, Anne Frank / Josu Zabaleta (Erein, 2004)] (Ereduzko Prosa Gaur)

  

  Miriam Redondo (Flickr)

   
• 

  Maite 7:58 am on 2009/07/15 Permalink | Reply
  Tags: E ( 387 )   

  estira 

  iz. (Ipar.) Norbaitek pairatzen duen oinaze gogorra. Sabeleko estira gogorrak. (Harluxet Hiztegi Entziklopedikoa)

  Sinonimoak: (1 ) oinaze, tormento, tortura (2) oinaze-asto, oinaze-zaldi, oinazegailu, zildai (3) min, oinaze, sofrimendu (4) zain, zurda.  (Adorez Sinonimoen Hiztegia)

  Zenbat eta gehiago hazten zitzaion sabela handitzen ari zen haurraren eraginez, orduan eta gehiago estutzen zuen estira tresna hura, martirio hura sufrituz, baina oinazea kuraia handiz eramanez, beti irribarrez eta zauli, ezer erakutsi edo susmatzen utzi gabe. [Fantasiazko ipuinak, Guy de Maupassant / Josu Zabaleta (Ibaizabal, 2000)] (Ereduzko Prosa Gaur)

   
• 

  Maite 9:57 am on 2009/07/14 Permalink | Reply
  Tags: B ( 476 )   

  basatxono 

  iz. Hirietatik at dagoen kapera, sarritan pelegrinazio–leku izan ohi dena. (Harluxet Hiztegi Entziklopedikoa)

  Sinonimoak: ermita, baseliza.  (Adorez Sinonimoen Hiztegia)

  Santiago de Compostela urira juaten ziran bidaztijak iru basatxono utzitten ei-ebezan euren bide-ertzetan. Sarri entzun dogu Francetik etorten tiran bidaztijak Mungiatik igaroten zirala, baña gai oretzaz ezer be eztot idatzitta ikusi. Neure ibittaldijetan baña bidazti orreik utziten ebezan basatxonoen lorratza idoro dot-edo. Mariñe, Jagoba eta Martin deunai opaldutako basatxonuak ei-ziran. Iru deun oneik, ba, basatxono bat dauke. Elordui ganian, Laukaritzen eta Atxurin. Ete-zan toki orreitatik bidaztijen bidia? [Azalpenak eta beste 1932, Estepan Urkiaga, «Lauaxeta» (Klasikoen gordailua)]

  

  Eizmendiko San Miguel basatxonoa, Azpeitian (Gure Gipuzkoa.net)