Archive | orokorra

Lehengo egunean, gelakide batzuen artean zer edo zer ikasiko dugunari buruz hizketan ari ginela, hurrengo urtean elkar maiz ikusiko ez genuela konturatu ginen eta, egia esan, izugarrizko pena eman zidan. Hainbeste urte iragan ditugu elkarrekin eta hilabete batzuk barru elkarrekin egongo ez garela pentsatzea…Gure bizitzak aldatu egingo dira: asko kanpora joango dira ikastera, besteren bat herrian bertan geratuko da, eta nork daki, bakarren bat agian atzerrira joango da. Baina gatozen harira.

Izan genuen hizketaldi interesagarri haren ondoren, neure pentsamenduetan murgilduta nengoela, euskaljakintzarako artikulutxo bat idaztea otu zitzaidan.

Ziur nago, nire ikaskide asko eta beste hainbat gazte ere neure egoera berean egongo direla. Aukera mordo bat dugu gure etorkizunerako eta zer egin ez dakigu. Izugarria da pentsatzea, aurten bertan, gure etorkizunaren zati garrantzitsu baten erabakia hartu beharko dugula. Hurrengo ikasturtean, Unibertsitatean hasiko gara eta gure bizitzaren zati handi bat aldatu egingo da. Lagun berriak egin, esperientzia -onak nahiz txarrak- berriak bizi… Jende asko kanpora joango da ikastera, ikasketak egiteko aukeratu duten kanpusa gure herritik gertu ez dagoelako edota ohore handiko beste unibertsitate batean aukeratuak izan ez direlako. Momentu hauetan gure bizitzaren zati handi bat gure esku dago, zer izango ote garen etorkizunean, non biziko ote garen hurrengo urteetan… dena gure esku dago.

Irakasleek urte osoa daramate aholkuak ematen eta beraien laguntza eskaintzen behar dugunean. Aste gutxi batzuk besterik ez dira gelditzen selektibitatera joateko eta, klasean nabari den bezala, irakasle guztiek euren materia bukatu nahi dute. Dagoeneko nabaria da urduritasuna klasean, nahiz eta askok ez konturatu kurtsoa amatzear dagoela eta ez garela gehiago ikastolara itzuliko.

Bestalde, unibertsitate askotako irakasleak etorri dira ikastolara euren zentroetako informazioa ematera, esate baterako, EHU, MU, Deustuko Unibertsitatea eta Madrilgo Nebrija ere gure artean izan dugu…Hasiak dira ere dagoeneko ate irekiak. Besteak beste, EHUko campus ezberdinak ikustera joateko aukera izan dugu, nahiz eta jende askorentzat oso lagungarria ez den izan; izan ere, batzuk lehenago baino zalantzatsuago bueltatu baitira. Dena den, oso txango interesgarriak suertatu dira; unibertsitateko giroa ikusteko aukera izan baitugu.

Bukatzeko, hainbat unibertsitateko informazio gehiago eskuratu nahi izanez gero, hautaprobetako datak, ate irekiak noiz diren…hementxe dituzue gune interesgarri batzuk eta informazio orokorragoa nahi izanez gero, joan zaitezte euskaljakintzako orientazio atalera:

• Deustuko Unibertsitatea

• EHU

• Nafarroako unibertsitatea

• UEM ( Universidad Europea de Madrid)

• Mondragon Unibertsitatea

• UIC (Universidad Internacional de Catalunya)

• Nebrija

Ez nuke amaitu nahi zera esan gabe: ikasi beharreko guztia ikasi eta izango dituzuen buruhauste guztiak izan; izan ere, horrek guztiak merezi izango duelakoan bainago. Eta, gainera, ziur nago aukeraketa egokia izango dela. Besterik gabe, zortea izan!

Orain dela 4 urte Gary Mckinnon munduan zegoen hacker arriskutsuena kontsideratua izan zen. Estatu Batuetako FBI poliziak 70 urtez espetxeratu nahi du, estatua erasotu izana leporatzen diote. “The daily Telegraph� aldizkari estatubatuarran orain dela gutxi aipatu dute irailaren 11ko hackerra izan zela, beste gauza askoren artean.

Gary Mckinnon gaur egun Londonen dago baina AEBko justiziak hara estraditatu nahi du justiziarekin duen zorra ordain dezan.. Gary bizitza osorako zigor baten aurrean aurkitu da AEBko indar armatuen, Pentagonoko eta NASAko sarean nabigatzeagatik. Gauero konektatzen omen zen 2001 eta 2002. urteetan estatuen segurtasunerako oso garrantzitsua zen informazioa lortu nahian.

Hasieran, Oxfordeko unibertsitateko sarean sartzen hasi zen. Beranduago, nortzuk erabiltzen zuten Windows (hackerrek erabiltzen dituzten programen laguntzaz, Windows plataforman errazago lor baitaiteke informazioa) ikertzean, NASAk eta Pentagonoak Windows erabiltzen zutela ohartu zen. Honela zama handiko ofizial batzuen helbidea lortu eta pasahitza hitza erabiliz sartzen zen batekin topo egin zuen, beste bakarren batek pasahitza zehaztu gabe zuen…Sinesgaitza egin zitzaion hori guztia! Planetako potentzia handiena defendatzen duten pertsonek neurri gehiago ez hartzea euren dokumentuetarako sarbidea babesteko harrigarria egin zitzaion!

Baina hacker honek hain zuen gustuko ordenagailuaren mundua non lana utzi eta ia ez baitzuen jaten. Berak ordenagailu aurrean orduak pasatzen zituen bitartean, ikertzaileak bere arrastoaren atzetik ari ziren eta, azkenean, Garyk eduki zuen hutsegite baten ondorioz, ikertzaile amerikarrek agentziarekin kontaktuan jarri eta hauek Garyren helbidea lortu zuten. Hurrengo egunean hacker aditua epaitu egin zuten. Epaiketaren ondoren, epaileak ordenagailuetatik urrun egon beharko zuela esan eta aske utzi zuen, hacker karrera guztia zapuztuz. Hala eta guztiz ere, beranduago espetxeratua izan zen eta AEB estradizioa eskatzen hasi zen.

Hemen hasten da Mckinnonen amesgaiztoa; izan ere bere herrialdean hiruzpalau urte espetxean bete beharko dituen bitartean informatikako delitua dela eta, AEBn 70 urteko zigorrari aurre egin beharko dio, hau da, bere bizitza osoa pasatu beharko du kartzelan, nazioa arriskuan jartzeagatik eta 550.000 euroko kaltea sortzeagatik, estatubatuarrek esaten dutenez.

Bukatzeko, Gary Mckinnoni elkarrizketa egin zion kazetariak ea Pentagonoko sarean sartzeko informatika-jenio bat izan behar zen galdetu zion eta honen erantzuna hauxe izan zen: “ 5 minutu besterik ez ditut behar esplikatzeko, paperezko mahai-zapi batean ere esplika dezaket�. Harrigarria! Nolatan izan dezake hain boteretsua den Estatu batuak horren segurtasun ahula?

Informazio gehiago nahi izanez gero, klikatu hemen eta hemen.

Gaur egun komunikabide guztietan berdina entzuten dugu: gizentasuna, alde batetik eta anorexia edo bulimia, bestetik. Telebista piztu eta zer nolako iragarkiak ikusten ditugu? Flora gaileta integralak, coca-cola light, %0ko jogurtak, eta abar. Baina nork sinesten du hau guztia osotasunean? Nik, behintzat, ez. Dena gizartean jarri den moda itxurako bat iruditzen zait, eta horrela etortzen dira ondoren arazoak, batzuk gehiegikeriagatik eta beste batzuk ez dutelako ezer jaten. Baina goazen gaia atalez atal aztertzera.

Orain dela gutxi gaueko albistegi batean ikusi nuen munduko umerik lodiena, urtebete baino ez eta 25 kg pisatzen dituena. Hau ikusi eta interneten informazio bila jarri nintzen berehala.

Mateus Souza Araújo Brasilen bizi da. 15 hilabete baino ez ditu eta, aurretik esan bezala, 25 kg pisatzen ditu, bere adinekoen batez bestekoaren bikoitza. Hasiera batean, ume normal bat zirudien baina jaio eta hiru hilabetera mutikoak 10 kg pisatzen zituen. Gurasoek zifra ikaragarri hauek ikustean, mediku talde batengana eraman zuten, baina hauek oraindik ez dakite zer izan daitekeen.

Gurasoek beraien semetxoari dieta orekatu bat ematen diotela diote, baina batzuek bere ardurapean jartzen dute ume honen osasuna. Amaren hitzek diotenez, umea hiru hilabetetan loditu zuena ikusi zutenean, nutrizionista batera eraman zuten baina arazoari eutsi eta gaztetxoak hilabetean 1,5 Kg gehiago hartzen jarraitu zuen.

Orain, izenik eman ez duen enpresari bati esker, Mateus Souza Araújori tratamendu bat ezarri diote. Gizon honek diru kantitate bat eman du horretarako.

Edonola ere, kasu honen kontrakoak milaka daude, anorexia eta bulimia arazoak egunez egun bizitzen dituztenak. Horregatik, ondo pentsatu beharko genuke zer bizitzen ari diren batzuk gauzak esaterakoan. Nire uste apalean, hau baita lodia egotea eta bestelako txorakeriak alde batera utzi behar dira. Elikagai osasungarriak jan bai, baina ez gehiegi eta ez gutxiegi, neurrian. Eta heldutasun pixka bat eman geure buruari gerta ez dadin ez aurretik kontatutakoa, ezta hemen klikatuz ikusiko duzuena ere. Gure gorputzarekin konformatzen ikasi beharko genuke.