Archive | orokorra

Iritsi da askorentzat Euskal Herriko jaialdi onenetarikoa: SAGARRONDOTIK 06 JAIALDIA. Aurtengoa laugarren edizioa izango da; IZAN ERE, 2003.urtean hasi baitziren ospakizun hau egiten eta, ordutik, urtero aurrera eraman den proiektua izan da. Sagardoaren Kultura Sustatzeko Elkarteak (SKSE) antolatzen du berau eta izugarrizko arrakasta izan du lehengoz egin zenetik.

Elkarte honek hainbat udalerri eta inguruko hainbat sagardogile, kofradia,elkarte…biltzen ditu. SKSEk gure lurraldearen kultura eta ikuspegi ezberdinak munduari erakutsi nahi dizkio eta bere helburua sagardoaren inguruko eragile gehien elkartzea da hein handi batean. Aniztasuna du filosofiatzat talde honek, eta honela, euskal espresio mota ezberdinak sustatzen ditu, hau da, euskal olerki, bertso, herri kirol, antzerki eta abarrak eta hau dena plazaratzeko SAGARRONDOTIK jaialdia ospatuko du Sagardoaren Kultura Sustatzeko Elkarteak.

Ekitaldi hau otsailaren 26an hasiko da eta 29an emango zaio amaiera. Inauguratzeko “Zaharregia, txikiegia agian” lanaren amaiera izango da ikusgai. 27 eta 28an kontzertu ikaragarriak izango dira Hernanin eta 28an bertan herri kirolak Usurbilen. Amaitzeko, 29an Euskal Herriko II. Sagardo Mostra izango da Astigarragan.
Jakin badakidalako gazteoi gehien intesatzen zaiguna kontzertuak direla, horra hor berauen zerrenda:
Ostirala, martxoak 17, gaueko 21:00etan hasita:
–CHAMBAO
–THC
–SORKUN
–LOQUILLO Y TROGLODITAS
–O´FUNK´ILLO.
Larunbata martxoak 18, gaueko 21:00etan hasita:
–MORODO & RANKING SOLDIERS –BERRI TXARRAK
–CELTAS CORTOS ( Jesus Cifuentes-ekin)
–BETAGARRI
–LIVING COLOUR

Beno, ikusten duzuenez izugarrizko parranda egfiteko aukera izango dugu, giro aparta izango baita. Beraz, badakizue azterketen ondoren denok Sagarrandorora! Ondo pasa!
Informazio gehigarriren bat edo xehetasunen bat nahi izanez gero, klikatu hemen.

Herritarren artean arrakasta handia duen joko matematikoa da Sudokua. Ia denok ezagutzen duguna, gainera. Baina oraindik ezagutzen ez duen norbait gelditzen bada , hementxe doa azalpena: Sudokua buruhauste matematiko bat da eta, bere helburua, 3x3ko karratu txikiz osatutako 9×9 tamainako lauki-sare bat osatzea da. Nahiz eta guretzat joko berria izan, 1783an asmatu zela esaten da. Hala ere, 1970 urtera arte ez zen heldu herritarrengana, izan ere, urte horretan, Walter MacKeyk Math Puzzles and Logic Problems aldizkarian argitaratu baitzuen buruhaustea. Orduan, zenbakien tokia izendatu zuten. Beranduago, Nikoli argitaletxeak Japoniara esportatu zuen Sudokua Monthly Nikolist egunkarian argitaratzeko. Japoniako prentsa honetaz jabetu eta poliki- poliki halako joko gehiago argitaratzen hasi ziren. Orduantxe jarri zioten Sudoku izena, hau da, Su: zenbakiak eta Doku: bakarrik. Hortaz, zenbakiak bakarrik.

Nola jolastu:

3x3ko karratu txikiz osatutako 9x9ko koadrikula bat beharrezkoa da Sudokura jolasteko. Karratu txiki horietan, 1 eta 9 arteko zenbakiak ipini behar dira, betiere ilara edota zutabe berberean zenbaki berdina errepikatu gabe. Gainera, kontuan izan behar da Sudoku bat ongi eratuta egoteko, erantzun bakarra izan behar duela.

Gaur egun egunkarietan agertzeaz gain, Interneten ere badu bere tokia Sudokuak. Webgune ugari dira burua nekatu eta norberaren logika proban jartzeko aukera ematen dutenak.

Sudoku mota desberdinak daude: Sudoku Killer, Sudoku Samurai, Sidoku, Kakauro.

Sudokua ezagutu eta horretan aritzea gustatzen zaien horietako bat bazara, interneten bertan jolasteko aukera ugari daukazula jakin beharko zenuke. Horietako bat hementxe klikatuz daukazu. Ondo pasa!!

Denok dakigu hilaren 23an inauteriak hasiko direla, ez bakarrik Euskal Herrian, baita mundu osoan ere! Nola liteke munduko bazter guztietan hedatua egotea ospakizun hau? Garbi dago, festa hau ez delako atzoko kontua. Ba al zenekiten jadanik Erdi Aroan ospatzen zela? Baina ez hori bakarrik, inauteriak duela 5000 urte Sumerian eta Egipton ospatzen zirela ere pentsatzen da, Apis Idi jainkoaren ohorez. Hala ere, Europan zehar erromatarrek hedatu zuten, beraien saturnaliarekin, Saturno jainkoaren omenez eginiko jaia, bera baitzen ereinaldi eta uzten jainkoa. Ameriketara, berriz, espainiar eta portugaldarrek eraman zuten kolonialismo garaian, XV. mende inguruan.

Gaur egun, ordea, hainbat eta hainbat inauteri ospetsu dago, baina, dudarik gabe, ospetsuenen artetik ospetsuena Rio de Janeiroko karioka dugu, aurten otsailaren 11tik martxoaren 5era arte. Bertan, milaka pertsona biltzen dira festa eta giro onean murgiltzeko, hiria 23 egunez musikaz, dizdiraz eta kolorez betez. Inauterietako Banda de Ipanema blokerik zaharrenetarikoak soilik, 20000 pertsona bere inguruan biltzea lorzen du! Ez al da harrigarria?

Famatua ere bada Santa Cruz de Tenerifekoa. Nahiz eta horrenbeste jendetza ez erakarri, mundu osoan oso ezaguna da, 1980. urtean Nazioarteko Garrantzi Turistikoko jaia izendatu baitzuen Turismorako Estatuko Idazkaritzak. Bertatik ez urrun Gran Kanariako inauteriak daude non urtarrilean hasi eta martxora arte, uharteko herri guztietatik barrena jendea migrazio moduan festaz festa ibiltzen den. Bertako ospakizun garrantzitsuenen artean Erreginaren Aukeraketa gala, konpartsa eta alamenen txapelketa, Kabalgata Handia eta Sardinaren ehorzketa daude. Baina guri benetan deigarri edo ospetsu egiten zaigu Drag Queen Erreginaren aukeraketaren galarengatik .

Europa mailan, Veneziakoek ospe handia dute. Guztiz desberdina da Rio edo Kanarietako inauterien ondoan, maskara dotoreek nagusitasun handia bereganatuz. Aurtengo lema Ekialdeko Express: maskara bidaiari bat zetaren bidean zehar izango da, horrekin hiriko bidaiari klasikoen espiritu pixka bat berpiztuz, besteak beste, ezagunena denMarco Polorena.

Euskal Herrira begira, aipatzekoa da bertako pertsonaiek edo mitoek garrantzi handia daukatela: mari, mielotxin, lamia, ziripot… Euskal Herrian, dudarik gabe, ospakizun garrantzitsuenak Zuberoako Maskaradak (gorria eta beltza), Lantze, Luzaide, Altsasu, Zalduondo, Gasteiz, Tolosa, Donostia, Bilbo, Markina eta Mundakako inauteriak dira. Euskal inauterien egitarauak, ekintzak… jakin nahi izanez gero, klikatu hemen. Aurkitu berri dudan inauterien bilakaerari buruzko artikulu bat irakurri nahi izanez gero, berriz, hemen.

Besterik gabe, aurtengo inauterietan geuk, euskaljakintzakook, primeran pasa dezazuen opa dizuegu! Badakizue, zuen kontu guzti-guztiak entzuteko hemen gaudela, beraz, idatz itzazue zuen inauterietako esperientziak, bidaiak eta bestelakoak hemen bertan!