entretenizio

Badira oso eremu geografiko murritzean erabiltzen diren hitzak: herri bakarrean, edo inguruko bizpahiru herritan. Halakoak hiztegietan ez sartzea normala da; hala ere, euskararen parte dira, guztion ondare, eta hitz horietako batzuk, gainera, politak dira elkarren artean konpartitzeko eta komentatzeko.

Hitz horietako bat entzun nuen atzo: “entretenizioa”. Esanahi argia du: entretenimendu edo entretenigarri hitzen sinonimoa da. Erabili, berriz, Amezketan egiten omen da.

Beste hizkuntza batzuetan (Elhuyar Hiztegia):

es entretenimiento
fr amusement
en entertainment

Orain izango duzu zuk entretenizioa, biloba jaiotzen zaizunean.

Xabier Mendiguren Elizegi
Idazlea
@xme64