Gaurko hitza

Recent Updates Page 365 Toggle Comment Threads | Keyboard Shortcuts

• 

  Maite 8:11 am on 2015/01/25 Permalink | Reply
  Tags: O ( 147 )   

  odolustu 

  1. du ad. Gaixo bati zaina ireki odol–kopuru jakin bat ateratzeko, odol-ateratzea egin. 2. da/du ad. Pertsona edo abere bati odol asko atera. Biharamunean odolusturik aurkitu zuten. 3. da/du ad. (hed.) Hustu. (Harluxet Hiztegi Entziklopedikoa)

  Hiztegi Batuan:

  odolustu 1, odoluts, odolusten. da/du ad.

  odolustu 2 iz. ‘odolustea’

  Sinonimoak: iz. (UZEIren Sinonimoen Hiztegia)

  ad. [odol-ateratzea egin]: sangratu

  ad. [odolgabetu]: odolgabetu g.e.

  iz. [odolustea]: odoluste, sangria Heg.

  Beste hizkuntza batzuetan (Elhuyar eta Word Reference hiztegiak):

  es (1) ad. desangrar(se) (2) iz. desangramiento
  fr (1) ad. saigner, saigner abondamment (2) iz. dessangramento
  en (1) ad. bleed; lose a lot of blood v expr  (2) iz. bleeding
  port (1) ad. dessangrar-se (2) iz. dessangramento

  Entzun:
  

  BEGIRADA ODOLUSTEN ARI ZAIZU

  

  odolustu (DevianArtCC, Asator Arise)

  iltze gori bat
  Rene D’Aubry erritmoan
  zuregana hurbildu eta
  zure bozkario herrena
  bahitzeko intentzio oro
  mailukatzen

  utzi etorkizun itxurak egiteari
  hoztasun kanporakoi
  zure azalarekin nahasia
  burdin sasi al dentez
  malko absentez
  hanpatua

  begirada odolusten ari zaizu
  zure eguna isiltasunean
  hornitzen

  hobe desioa laurdenkatu
  zure keinuen mamigunean
  ezerezko bala hura
  ekintza gogoangarri hau
  bere senetik aterata
  balioen besterentze honetan
  bere istorioa nola hasi ez dakiena

  arima hornitzen dizun
  oinazearen hutsaltze hori
  izango ote da

  nahia pazienteki
  irensten dizuna

  [Begirada odolusten ari zaizu, © cc-by-sa Jule Goikoetxea (Tractatus, 2014)] (Susa Poesia)

   

  Reply

  Required fields are marked *

  Izena *

  E-posta *

  Webgunea

  Gorde nire izena, emaila eta webgunea bilatzaile honetan komentatzen dudan hurrengorako.

  Δ

• 

  Maite 8:44 pm on 2015/01/24 Permalink | Reply
  Tags: S ( 160 )   

  sareko etiketa 

  Banaketa-zerrendetara, berri-taldeetara eta oro har lineako zerbitzuetara mezuak bidaltzean bete beharreko jendetasunezko arauak edo manerak, esate baterako, mezu iraingarririk ez bidaltzea, formatu soilak erabiltzea irakurleek ikusteko arazorik izan ez dezaten…  (Euskalterm)

  Sinonimoak: iz.
  [sareko etiketa] : netiketa  (Wikipedia)

  Wikipedian:

  [netiketa] Interneteko eztabaidetan, eta bereziki, posta elektronikoa edo posta zerrendetan^[1] erabiltzerakoan zaindu beharreko arauak dira netiketa. Ingelesez netiquette esaten zaio eta net (sare) eta etiketa berbak batzetik sortzen da

  Hona, zenbait erreferentzia lanetan aipatzen diren netiketa arauetako batzuk, Jabi Zabalak ^[2] eta Joxe Aranzabalek ^[3] bilduak.

  1. Baimena eskatu, inor gehitu aurretik posta-zerrenda batean. Talde bat antolatzen baduzu zeure mezuak bidaltzeko, egokiena duzu aurrez galdetzea taldean sartu nahi dituzunak. Zuk uste baino jende gehiagok ez du nahi horrelako zerrendetan egotea. Horregatik, baten batek ezetz esaten badizu, ez gaizki hartu.
  2. Zaindu bidaltzen dituzun artxibo erantsien neurria. Pertsona guztiek ez dute banda zabalera erosoa beren konexioan, eta Mb 1etik gorako gauzak jaistea oso astuna bihur dakieke. Era berean, postontzi elektronikoa ere gainezka jar dakieke pertsona horiei.
  3. RTF formatu unibertsala erabili testu dokumentuak bidaltzeko, baldin eta testu hori atxikita igorri behar baldin baduzu. .doc atzizkia duten dokumentuak Word-ek bakarrik ireki ahal ditu. RTF atzizkia dutenak, berriz, testu prozesadore ia guztiekin ireki daitezke. Aintzat hartu Word erabiltzen ez dutenak ere.
  4. Identifikatu dokumentu atxikiak. Bidaltzen diozunean baten bati dokumentu bat atxikita, esaiozu zer nolako dokumentua den, hartzaileak jakin dezan zer programa beharko duen dokumentua irekitzeko. “Josune, honekin batera dokumentu bat bidaltzen dizut RTF formatuan. Beraz, ez duzu oztoporik izango Wordekin irekitzeko”.
  5. Ez idatzi LETRA LARRIZ. Honela idaztea ez dago ondo ikusia Interneten, adierazten baitu garrasika zabiltzala.
  6. Ez iraindu inor sarean. Eta, are gutxiago, ez ezkutatu anonimatuan beste inor iraintzeko. Salaketaren bat egiten baduzu inoren kontra, saiatu berau frogatzen, eta, beti, sinatu artikulu hori.
  7. Garbitu mezuen zerrenda amaigabeak. Atzera eragiten dute mezu horiek, non goialdea dozenaka (edo ehunka) izen eta helbiderekin datorren. Horrelako bat jasota erabakitzen baduzu beste norbaiti bidaltzea, aurretik, mesedez, kendu iezaiozu zabor hori guztia, mezua jasotzen duenak erraz irakur dezan han zer esaten den.
  8. Ezkutatu taldeetako helbideak. Bidaltzen diozunean mezu bat talde bati, ari zara mezu horretako irakurle bakoitzari agerian ipintzen taldeko guztien helbide elektronikoak, eta hori jende askori ez zaio bat ere gustatzen.
  9. Pertsonalizatu mezua. Inoiz erabakitzen baduzu lagun bati bidaltzea mezu bat, zabor hutsa, baina zuri gustatu zaizuna, ondo legoke ohartxo bat idaztea: “Aupa, Ander. Pentsatu dut barre apur bat egingo zenukeela hau ikusita”.
  10. Ez sinetsi hortik zehar dabiltzan gezurrak. Jasotzen duzunean izuak eragindako mezu apokaliptiko horietako bat, non ohartarazten zaituen halako birus ikaragarritik, kontuz ibili, seguruenik gezur hutsa izango da-eta, ingelesez hoax deitzen den horietakoa.

  Beste hizkuntza batzuetan (Elhuyar eta Word Reference hiztegiak):

  es etiqueta de la red, ciberurbanidad, ciberetiqueta
  fr nétiquette
  en netiquette
  port (1) cume, cume (2) terraço

  Entzun:
  
  

  Posta-zerrendako jarduna errespeta dezaten, sareko etiketa edo netiketa arauak ipintzea erabaki zuten.

  

  sareko etiketa edo netiketa (Irudia: baw2012.pbworks.com)

   
• 

  Maite 7:16 am on 2015/01/23 Permalink | Reply
  Tags: K ( 331 )   

  karel 

  iz. 1. Itsasontzietan, albo bakoitzaren goialdea edo goiko ertza. Arraunari eusteko karelean jartzen den toleta. 2. Erortzeko arriskua dagoen lekuetan (zubi, terraza, balkoi, etab.etan) jartzen den petril– edo baranda-moduko babesgarria. 3. Ertza. (Harluxet Hiztegi Entziklopedikoa)

  Sinonimoak: iz.

  [ertza]: bazter, ertz, hegi, muga, izkina Ipar., kantail Ipar., kantoi Ipar. (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (1) (Itsas.) borda, carel; regala (2) (Eraik.) parapeto, antepecho, pretil, baranda (de seguridad) (3) orilla, borde, esquina; pozal, brocal [del pozo]
  fr (Itsas.) bord
  en (Itsas.) gunwale
  port (1) Mar borda Æ’, amurada Æ’. (2) mureta, parapeito, peitoril

  Entzun:
  

  GAUZA ARINEN ALDE

  Geriza
  haizetan,
  zer beste
  behar da, ba bizitzeko?
  Aulki bat,
  ohe bat, izarak,
  bi esku, neureez aparte…

  Nork ez du zurekin
  ezin zenba
  gau oso nahi?
  Xerlo hori hau
  kiribilduz lokartzea?
  Gerizaren
  gerizan,
  itzal bat
  itzal bati so.
  Luma baten pisua
  ezpainez ezpain.

  Ontzi bat
  lakuan,
  zer beste
  behar da, ba bizitzeko?
  Arraun bat
  edo bi aukeran…
  gozoki, hondoratzeko.

  Ametsak
  ezin zenba ahala:
  laurogei, ehun edo mila;
  zaharrak
  usteldu orduko
  berriak rekamaran prest.

  Beude gure zain
  Paris, Roma, eta Amsterdam.
  Egin zuk arraun,
  nekatuta naukazu gaur.
  Kareletik zama bota;
  nire kontu
  kantu leun hau
  etorkizun urrunaren
  zamarik gabe.

   [Gauza arinen alde, Harkaitz Cano (letra) / Iker Lauroba (abestia)] (Ereduzko Prosa Gaur)

  

  karel (snipview.com)

   
• 

  Maite 10:34 pm on 2015/01/22 Permalink | Reply
  Tags: Z ( 315 )   

  zarpail 

  1. izond. Era zakarrez, lan gutxiz eta leundu gabe egina dagoena. Artzainek, beraiek eginiko pitxer zarpaila zeukaten. 2. izond. Gaizki edo baldreski jantzita, arropa zikin eta apurtuez ibili ohi dena. 3. iz. Zatar edo oihal–zati hondatua. Han zihoan mutil gazte lerdena, adabakiz eta zarpailaz betea. (Harluxet Hiztegi Entziklopedikoa)

  Sinonimoak: iz. g.e. (UZEIren Sinonimoen Hiztegia)

  [ehun-zati edo zatar hondatua]: zarpa, perreka Ipar., pilda Ipar., piltzar Ipar., piztin g.e., trakets g.e., zirtzil g.e., altsi zah.

  zarpail izond.

  [zarpaila]: zurtzuil BN-Z, trauskil Bizk. g.e.

  Beste hizkuntza batzuetan (Elhuyar eta Word Reference hiztegiak):

  es (1) izond. basto, -a, ordinario, -a, rústico, -a; zafio, -a, grosero, -a (2) izond. andrajoso, -a, harapiento, -a (3) iz. harapo, andrajo
  fr (1) izond. ordinaire, grossier, -ère (2) izond. déguenillé, -e ; loqueteux, -euse (3) iz. haillon, guenille
  en (1) izond. [pertsona] rude, coarse, rough (2) izond. [arropa] ragged, tattered
  port (1) grosseiro(a), grosseiro(a) (2) adj andrajoso(a), esfarrapado(a), maltrapilho(a) (3) farrapo,

  Entzun:
  

  Nahita dira zarpail baldarrak, apropos manipulatzen dute justizia, kontzientzia osoz egiten diote iseka ordenamendu juridikoari. [Kromoak, Anjel Lertxundi (Hitz beste, 2015-01-22)] (Berria.eus)

  

  zarpail (FlickrCC, John Hamilton Mortimerren Erichtho)

   
• 

  Inaki Agirre 7:37 am on 2015/01/21 Permalink | Reply
  Tags: A ( 569 )   

  azkenburuko 

  iz. Postrea. (Harluxet Hiztegi Entziklopedikoa)

  Sinonimoak: iz.
  [postrea] : azkenburu(ko); postre (Heg.); deserta (Ipar.) (Elhuyar Hiztegia)

  Beste hizkuntza batzuetan (Elhuyar eta Word Reference hiztegiak):

  es postre [de las comidas]
  fr dessert ; entremets
  en (Heg.) dessert
  port sobremesa

  Entzun:
  
  

  Ez du jaten emakume horrek, txokolatea izan ezik, lehengo batean ere horixe jan baitzuen azkenburuko, txokolatea. [Europako mugetan barrena, Edorta Jimenez (Txalaparta, 2000)] (Ereduzko Prosa Gaur)

  

  azkenburu(ko) (FlickrCC, Yuichi Sakuraba)

   
• 

  Maite 8:15 am on 2015/01/20 Permalink | Reply
  Tags: D ( 105 )   

  danbor 

  iz. 1. MUS. Zilindro baten gaineko eta azpiko aldeetan teinkatzen diren bi larru edo mintz sintetikoz osatutako musika-instrumentua, bi zotzez jotzen dena. 2. TEKNOL. Tresna eta gailu batzuen zilindro-formako osagaia. Balazta-danborra. • kupula–danbor. ARKIT. Kupula baten oinarri jartzen den horma zilindriko edo poligonala. (Harluxet Hiztegi Entziklopedikoa)

  Sinonimoak: iz.

  [atabala]: atabal, atanbora g.e. (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (1) tambor (2) tambor, tamborilero, -a; tamborrero, -a (3) (Arkit.) [kupularena] tambor (4) (Teknol.) tambor (5) (lgart.) tripa, panza
  fr (1) [instrumentua] tambour (2) (Teknol.) tambour
  en drum
  port (1) (instrumento) tambor (2) (de envase) tambor, bombona (3) Cost (de bordado) bastidor (4) Anat tímpano

  Entzun:
  

  Gauerditik aurrera 15.000 heldu eta 5.500 haur baino gehiago aterako dira San Sebastian egunean danborradan. Kalean, baina, atzo entzun ziren lehen danbor hotsak. [20.000 lagun baino gehiago aterako dira Donostiako danborradan, Berria.eus (2015-01-20)]

  

  danbor (FlickrCC, Mario Antonio Pena Zapatería)

   
• 

  Maite 7:50 am on 2015/01/19 Permalink | Reply
  Tags: G ( 266 )   

  gixot 

  iz. (Z) Gizonen era gutxiesgarria edo iraingarria. Gixot horrek egin duen azken txarkeria. (Harluxet Hiztegi Entziklopedikoa)

  Orotariko Euskal Hiztegian:

  gixot (S). Ref.: A; Lrq. Dim. despectivo de gizon. “1.º hombrecillo. 2.º poco franco, de poco espíritu” A. “Homme mesquin, peu généreux” Lrq (s.v. gizon). Ohart hiz arauz zuñen gozoki gixot hartaz trüfatzen hintzan. Eskual 3-1-1908 (ap. DRA). Gixot horrek (Lonbet jaunak) egin zütian azken tzarkerietarik bat. Eskual 17-1-1913 (ap. DRA). Gizun bati, edo hobeki erraitera gixot bati. Eskual 11-4-1913 (ap. DRA). v. tbn. GH 1932, 509.

  Sinonimoak: iz.
  [Gizonen era gutxiesgarria edo iraingarria] : gixon, gizontxo (Adorez Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (1) pobre hombre, infeliz (2) hombrecillo (3) homúnculo, tipejo, tiparraco
  fr pauvre homme
  en poor guy, poor fellow
  port coitado

  Entzun:
  

  Inozo honek zain segitzen du, ea bateon batek noiz salatuko Rafael Vera terrorismoaren apologia egiteagatik. «Uste dut GALek izan zuela baliagarritasunik, Segurtasun Indarren morala suspertu baitzuen eta agintari frantsesen kezka areagotu», esan zuen gixotak.  [Gixotarena, Anjel Lertxundi (Hitz beste, 2015-01-18)] (Berria.eus)

  

  gixot (Gaurko hitza, CC)