Archive | 2006

LAURA PAUSINI

By on 2006(e)ko abenduak 7 in musika

Laura PausiniLaura Pausini, gaztea zelarik hasi zen abesten. Arrakasta izugarria lortu zuen 1993an kaleratu zuen bere lehen diskoarekin eta, egun, Italiako abeslaririk garrantzitsuenetariko bat dugu. Zortzi disko kaleratu ditu dagoeneko, eta beraiei esker arrakasta izugarria lortu du mundu osoan zehar. Sari mordo bat irabazi ditu, esaterako, platinozko 160 disko eta beste hainbeste urrezko eta 20 milioi disko saltzera ere iritsi da.

Azaroaren 14an aurkeztu zigun bere azken lana,Yo canto. Italiar abeslari ospetsuei omenaldi bat egin nahi die lan honen bitartez, hainbat abesti ezagunen bilduma eginez. Hamahiru abestiz osatua dago eta aipatutako Yo canto abestia izan da aukeratua hamahiru horietatik lehenengo entzun dezagun. Berarekin, bada, uzten zaituztet. Espero dut zuen gustuko izatea.


Comments { 2 }

Arauak 6: GALDETZAILEAK ETA NAHI PARTIKULA.

By on 2006(e)ko abenduak 6 in arauak lantzen

JakintzaKaixo, lagunak! Zer moduz doa eguneraketa ikastaroa? Astez aste ikusten ari zaretenez, arauak ez dira zailak baina beti dago zerbait (salbuespenen bat, xehetasun txikiren bat…) berez erraza dena zailtzen duena, ezta? Gaurkoan ez dago horrelakorik baina! 6. emanaldi honetan, nahi partikulari galdetzaile bat lotzean gertatzen direnak azalduko ditugu. Azter dezagun, bada, araua atalez atal.

Euskaltzaindiak zera dio:

Galdetzaile batez eta nahi partikulaz osaturiko esapideak hitz bakar batean idatziko dira:

  • Zernahi
  • Nornahi,
  • Nolanahi, e.a.

Baina, lehen osagaia n-z, t-z edo k-z bukatzen bada, hitz batean (aipatutako kontsonante horiek galduz) edo marratxo baten bidez bereizita idatziko da:

  • Nonahi edo non-nahi,
  • Zenbanahi edo zenbat-nahi,
  • Nondinahi edo nondik-nahi, e.a.

Ez idatzi, beraz, nor nahi, nonnahi,e.a.

  • Praktika 2 (Galdera bakoitzaren erantzuna hautatu ostean, jarraitu ahal izateko, egin klik galdera ikurraren gainean).

Oharra: Batzuk denboraren mehatxuaz urduri jartzen zinetela eta, gaurkoan, txintxoa izan naiz eta lehenengo jarduerari kendu egin diot! 😉 Eutsi goiari!

Comments { 0 }

Lazkaotar bat zaldi lasterketa garrantzitsuan

By on 2006(e)ko abenduak 5 in kirola

Irati zaldi gaineanIrati Senarrek, 18 urteko lazkaotarrak, eta Alarpe zalditegiko Ilargi behorrak zubi honetan Bartzelonan ospatuko den lasterketan parte hartuko dute. Lasterketa hau Espainiako garrantzitsuena da, hiru izarretako puntu gehiena ematen duen txapelketa baita. Europako beste selekziotako aurkariak ere izango ditu eta denera 120 zaldik hartuko dute parte. Proba bi egunez burutuko da, bietan goizeko seietan hasi eta iluntze aldera bukatuz.

Iratik, maila honetara iritsi ahal izateko, entrenamendu oso gogorrak egin ditu egunean sei ordu behorraren gainean ibiliz. Aipagarria da bere ibilbidean iaz Bardeetan izandako Espainiako txapelketa. Bertan, Iratiren jardun apartagatik lortu zuen Euskal Selekzioak urrezko domina. Aurten, berriz, Txekian ospatu den Europako txapelketan, zoritxarrez, ezin izan du parte hartu gorabehera batzuk zirela eta.

Arestian aipatu dugun legez, zubi honetan 200 kilometroko ibilbidea egin beharko dute zaldi-zaldunek bi egunetan. Egun bakoitzean, erlojuaren kontra eta raid modalitatean 40, 38 eta 20 kilometroko 3 etapa egin beharko dituzte. Molde honetan, zaldunek hainbat kontrolgune pasa behar izaten dituzte. Kontrol hauen helburua zaldiek albaitarien azterketa pasatu eta errekuperatzea da, baldintza egokienetan aurrera jarraitu ahal izateko.

Iratik behorra fisiko onenean dagoela eta postu politean bukatzeko ahalegina egingo duela dio. Guk, Goierri aldetik, zorterik onena opa nahi diogu! Ondo ibili eta eutsi goiari, Irati!:smile:

Comments { 0 }
-->