Archive | orokorra

Bi urteren buruan itsasotik sortutako elektrizitatea erabiliko dugu. Santoña eta Mutrikun proiektuen entseguetan ari dira lanean.

Energia merkea, segurua eta ez-kontaminatzailea, itsasoan dago oinarriturik. Olatuen zein mareen indarra aprobetxatzeak, orduko mundu osoan kontsumitzen diren 320 milioi megawattak asetzeko behar den erregai fosilen errekuntza galaraziko luke, ondorioz, atmosfera kutsatzen duen CO2 gaseko kantitate izugarriak saihestuz (berotegi efektuaren arrazoi nagusia).

Estatu mailan, marearen energia bere lehenengo pausoak ematen ari da. Bi instalazio, bata Santoñan (Kantabria) eta, bestea, Mutrikun (Gipuzkoan), izango dira olatuen indarraz baliatuko diren lehenak urtebeteko epearen barnean. Euren hasierako potentzia 1,6 megawatt eta 480 kilowattioen inguruan ibiliko da, oso gutxi zentral elektrikoek sortzen duten 70 000 wattioekin alderatuz, baina hasteko ez dago gaizki.

Kiotoko protokoloa gainditzea

Espainiar estatuak 3 000km- ko kostaldea izanik, energia mota honen garapenerako aukera asko du. Greenpeacen esanetan, 2050erako, instalazio hauek energia elektrikoaren eskariaren %105,7a bere gain hartuko lukete (Galiziaren eskutik %46,7 eta Andaluziarenetik, berriz, %27,8). Hau guztia ezer kutsatu gabe!

Eskozia izan zen mota honetako instalazioak jartzen lehena, Islay-en, hain zuzen, 1995ean. 500 kilowattioko potentzia sortzen du, 400 etxebizitzentzat adina energia. Horretarako, urezko zutabe higikorraren teknologia erabiltzen du, dikeetan ezarritako turbinak elektrizitatea sortzen dutelarik.

Estatua osoan, Kiotoko protokoloaren arabera, urtean 333,4 tonelada gas (berotegi efekturako kaltegarria gerta ez dadin) aska daitezke, guk betetzen ez dugun kantitatea, hain zuzen. Horrek, urtero gobernuak 2 000 milioi euro ordaintzea eragiten du emisioen eskubideak erosteko.

Santoñako instalazioak horrela funtzionatzen du:

Boiaz jositako 2000 m2-ko eremu bat kostaldetik kilometro batera, 2008tik aurrera 1500 familia elektrizitatez hornituko dituena. Boia hauek guztiak elkarrengandik nahiko gertu egon daitezke, horrela ingurunea optimizatzen dutelarik. Gainera, plataforma eolikoen ondoan ere koka daitezke. Iberdrola bertan ezarri izana, urte osoan zehar metroko olatuak sortzen direlako da. Ezaugarri hauetako lehen instalazioak izango dira Europa osoan.

Bibrazio elektrikoak:

Olatuek boiak mugitzen dituzte. Mugimendu hori eje batera garraiatu eta honek turbina bat birarazten du, energia elektrikoa sortuz.

Gauza askoz ere gehiago esan daiteke gaiaren inguruan, baina, oraingoz, hementxe geldituko gara hau guztia nola garatzen den ikusi arte.

Epidermolosis bullosa gaixotasun latz honen inguruko informazioa Goierriko Hitza egunkariaren bidez jaso dut.
Markel bost urteko umea da eta jaio zenetik azaleko gaitz berezia pairatzen du. Medikuek diotenez, Markelen epidermolisisaren arrazoia gurasoek odol antzekoa izatea da. Horrelako kasuak oso urriak dira mundu osoan zehar eta guk hementxe dugu bat.

Umeari azalean kolagenoa falta zaionez urratu txikenarekin azalean babak ateratzen eta ondoren zauriak geratzen zaizkio. Eskuak desitxuratzen zaizkio, azala atzerantz joaten baitzaio. Gaitz honek heste gorrian ere zauriak egiten dizkio, janaria irensteko arazo ugari emanez.

Artikuluak dionenez, Markelek bere gaixotasuna onartzen du eta bere gurasoei askotan aurrera jarraitzeko indarra ere ematen die. Gaitz hau Espainia osoan 170 pertsonak dute. Ekainean botika berri bat frogatuko da eta, badirudi, Markelekin egingo dutela froga horietako bat. Gaixoaren gurasoei azal zati bat kenduko diete gaixoari ezartzeko eta itxaropena dute bi urtetan azala ez dela berriz urratuko. Froga ondo aterako balitz, gorputz osoan aplikatuko liokete tratamendua Markeli.

Markelen familiari diru-laguntzak ematen dizkiote baina gastu ugari bere gain hartzen dituztenez, ez da nahikoa. Horretan laguntzeko eta Epidermolisisaren inguruko informazioa jendeari zabaltzeko apirilean hainbat ekintza antolatuko dituzte Urretxun eta Zumarragan.

Artikulu osoa irakurri nahi baduzu, klikatu hemen (pdf).

Sakeleko telefonoen sektorea abiadura bizian hazten ari da eta egunetik egunera merkatuan gero eta zerbitzu gehiago eskaintzen dituzten mugikorrak aurki daitezke. Berrikuntza nagusiak, nahiz eta oraindik gutxi batzuek bakarrik eskura ditzaketen, orain hilabete gutxi zientzia-fikziotzat joko genituzke.

Azken aldiko berrikuntza nagusia sakeleko telefonoaren bidez Interneten ibiltzeko banda zabalaren ekarpena da, ordenagailuekin egin ohi den moduan, modu merkean nabigatzea erraza delarik. Honez gain, aukerari probetxua ateratzeko hainbat zerbitzu kaleratu dituzte, hala nola, telebista ikusteko sistemak, alokairuan edo salgai dauden etxebizitzak ikusteko aukera edota kafeak, goxokiak edo tabakoa, makinetan txanponik gabe erostekoak. Gainera, mugikorren artean ezinbestekoa den itxuraren alderdia kontuan hartuta kaleratu dituzte hauek guztiak; tamaina txikiko mugikorrak, potentzia handiagoko antenak…

Makinetan kafea eta tabakoa erosi ahal izango da mugikorraren bidez, hemendik lau edo bost urtera

Bartzelonan egin zen 3GSM kongresuan eman zituzten ezagutzera sakelako telefonoen azken berrikuntzak.

Nokia da nagusi mugikorren merkatuan, atzetik Sony ericson duela

Honen haritik, ordenagailuen ADSL sistemaren antzera, mugikorretan ere nabigatzeak birusak eta antzekoak izateko aukera ematen du, eta jada merkatuan da mugikorrentzako lehen antibirusa.

Horrek gero eta menpekoago egingo gaituela pentsatzen ariko zarete asko eta asko baina zalantza barik ezetz esan zuten Bartzelonako kongresuan. Laguntza handia izango omen dira baliabide hauek guztiak. Nahi duenak modu manualean egin ahal izango baititu ordainketak eta, bestalde, behar duenak edota nahi duenak saleleko telefonoa erabiliz.

Bukatzeko GPSen munduan ere aurrera pausoak eman direla aipatu behar da, orain telefonoaren banda zabalarekin informazio ugariagoa jasotzea errazagoa izango delarik.

Mapa jakinetan, errepideren bat obretan badago jakingo dugu, orain arteko GPSarekin, ordea, ez

Hau guztia esanik, argi ikusten da egunetik egunera gehiago harritzeko moduko berrikuntzak sortu eta martxan jartzen direla eta ziurrenik ez dira mugikorretan ezagutuko ditugun azkeneko adaketak izango.