Gaurko hitza

Recent Updates Page 350 Toggle Comment Threads | Keyboard Shortcuts

• 

  Maite 9:30 pm on 2015/05/16 Permalink | Reply
  Tags: M ( 290 )   

  mashup 

  iz. Eduki berri bat sortzeko beste web aplikazio batzuetako edukia erabiltzen duen webgune edo web aplikazioa da “mashup” edo web aplikazio hibridoa (“mashup” edo nahasketa). Horretarako, zuzenean kontsumitzen dira zerbitzuak, beti http protokoloen bidez. (Open Data Euskadi, ohiko galderak)

  Mashups: mashup hitzak nahasketa esan nahi du; beraz, mashup aplikazioa edo web-aplikazio hibridoa da eduki integrala erdiesteko beste web-aplikazioetako edukiak uztartzen dituen aplikazioa. Aurrera! aldizkaria

  Mashup Wikipedian (gaztelaniaz)
  Sinonimoak: iz.
  [mashup] : nahasketa (Open Data Euskadi, ohiko galderak)

  Beste hizkuntza batzuetan (Elhuyar eta Word Reference hiztegiak):

  es mashup
  fr mashup
  en mashup
  port mashup

  Entzun:

  Informatikariek mashup bat egin zuten, erabiltzen zituzten beste web-aplikazioetako edukiak uztartuz.

  

  mashup (Irudia: WikiCrimes)

   

  Reply

  Required fields are marked *

  Izena *

  E-posta *

  Webgunea

  Gorde nire izena, emaila eta webgunea bilatzaile honetan komentatzen dudan hurrengorako.

  Δ

• 

  Maite 12:44 pm on 2015/05/15 Permalink | Reply
  Tags: P ( 210 )   

  pauma 

  iz. ZOOL. Meleagridoen familiako hegazti galiformea. Arrak kolore urdineko ozelo handi banaz apainduta dauden isats gaineko luma luzeak dauzka eta araldian zabaldu eta emeari erakusten dizkio. Arrek zein emeek, burua luma-koroa txiki batez apaindua dute. Jatorriz India eta Sri Lankakoa da (Pavus cristatus). (Harluxet Hiztegi Entziklopedikoa)

  Sinonimoak: iz.

  [hegazterrena]: hegazterren (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (Zool.) pavo real, pavón (Pavo cristatus)
  fr (Zool.) paon
  en peacock
  port pavão

  Goi aldean borla lodi batzuk haizeak jo eta paumaren isatsaren antzera geratzen ziren zabalik. [Mikel Strogoff, Jules Verne/Karlos Zabala (Ibaizabal, 2002)] (Ereduzko Prosa Gaur)

  

  pauma (Antonio Tajuelo, FlickrCC)

   
• 

  Maite 1:25 pm on 2015/05/14 Permalink | Reply
  Tags: E ( 387 )   

  erremige 

  iz. ZOOL. Hegoetako luma handietako bakoitza.  (Harluxet Hiztegi Entziklopedikoa)

  Sinonimoak: iz.
  [erremige] : arraunlari  (Elhuyar Zientzia Hiztegia)

  Beste hizkuntza batzuetan (Elhuyar eta Word Reference hiztegiak):

  es iz. (Zool.) rémige, (pluma) remera
  fr rameur, plume rémige
  en remex

  Entzun:

  Erremige ederrak zituen zooan ikusitako paumak.

  

  erremige (Wikimedia Commons)

   
• 

  Maite 1:05 pm on 2015/05/13 Permalink | Reply
  Tags: B ( 476 )   

  beztitu 

  1. da/du ad. (Ipar.) Jantzi (nor osagaia jantzirik gertatzen dena, inoiz ez janzteko erabiltzen dena). Zure arropez beztitu naiz. Zure arropez beztitu dut. 2. du ad. Hildakoa beztiduraz jantzi.  (Harluxet Hiztegi Entziklopedikoa)

  Sinonimoak: ad. (UZEIren Sinonimoen Hiztegia)

      [jantzi]: Ipar./Naf.jantzi, jauntzi Ipar.

      [hilak jantzi]: meztitu

  Beste hizkuntza batzuetan (Elhuyar eta Word Reference hiztegiak):

  es da/du ad. (GN/Ipar.) vestir(se), cubrir(se)
  fr da/du ad. (GN/Ipar.) (s’)habiller
  en da/du ad. to dress; to put on
  port vestir-se

  Entzun:
  

  Eta, dei hark eta arestian bururatu arrazoin haiek guztiek esportzatzen eta aitzinatzen nindutela, baita bihotz emaiten ere, ez nuen zalantzarik izan: hartu nituen osabaren poltsatik bi erreal zilarrezko, beztitu nituen beztimenda erantzi berriak, eta jaitsi nintzen beheiti, ostatuko jangelarat. [Lur bat haratago, Joan Mari Irigoien (Elkar, 2000)] (Ereduzko Prosa Gaur)

  Italiera futurismoz beztitu zen: autista (auto gidari), aviere (hegazkinlari), incrementare, maximizare, decenal, confindustria…  [Hitzak eta giltzak, Iñigo Aranbarri (Alberdania, 2001)] (Ereduzko Prosa Gaur)

  

  beztitu (FlickrCC, Francisco Osorio)

   
• 

  Maite 10:42 pm on 2015/05/12 Permalink | Reply
  Tags: Z ( 315 )   

  zimentarri 

  iz. Zimendua, oinarria. (Harluxet Hiztegi Entziklopedikoa)

  Sinonimoak:iz.

      [oinarria]: asentu, egarzola, egonarri, fundamentu, oinarri, zimendu, eustazpi g.e. (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es cimiento, base, fundamento, piedra fundamental
  fr base, pierre fondamentale
  en foundation; basis
  port alicerce, base

  Entzun:
  

  Baina ia bat-batean, ohartzen ez ginelarik nola, mundu haren zimentarriak uste baino buztinezkoagoak zirela pentsatu genuen, eta orduan buruz ikasitako otoitz gehienak oraindik ondo gogoan baditugu ere, euskarazkoak bezala latinezkoak, eta baita gaztelaniazko hamasei salbe eta hamalau kredoak ere, gure gizarteak aspaldi baztertu zituen errezook.  [Oin buztinezkoak, Anjel Lertxundi (Hitz beste, 2015-05-12)] (Ereduzko Prosa Gaur)

  

  zimentarri (Wikimedia commons)

   
• 

  Maite 11:55 pm on 2015/05/11 Permalink | Reply
  Tags: E ( 387 )   

  erratu 

  du ad. (B) Huts egin, ez asmatu. Laster igarri nion erratu nuela. (Harluxet Hiztegi Entziklopedikoa)

  Orotariko Euskal Hiztegian:

  1 erratu. Tr. Documentado desde Lazarraga, se da sobre todo en autores vizcaínos (tbn. aparece en algún guipuzcoano como Ochoa de Arín).

  1. Fallar, errar, equivocarse; faltar (en algo). Irugarrena korrijietea erratuetan dabena. Bet 14. Erraturik dijoanari reprensio ona ematea. OA 100. Nagusi batek, diño, kontu estuak artu eutsazan konzienzia zabal zabarra eukan maiordomo bati. Amar milla ezkutuan etozan kontuak oker, labur, urri, erratuak. Añ MisE 93. Oneek ziran Tomasen uste ta gogoraziñoiak, baña, ai, zein erratuak! Ur MarIl 10. Fedian erratu daudiela eta apartau diriala Elexiaaren batasunetik. Ur BulaAl 54. Ez dauke esan baño nazala zoratu; / baña egingo dabe orregaz erratu. AB AmaE 272. Parkatu Aita, berbaren baten / erratu badot. Ib. 132. Felipak bere ez dau erratu gitxi or. Ib. 249. [Errifan] fortuna jausi jakon lumero biari, / bosteunegaz erratu iya bereari. Ib. 280. Baña Arimazain Jauna da gizona, eta erratu leike. Itz Azald 49. Sinis gogorra izan naz eta / pentsa erratu dodala. Ayesta 105.

  (Con compl. directo). Erratu neben bidea. Lazarraga (B) 1181rb. Bidea erratuta onaxe oraiñ jo dot. AB AmaE 388. Gabaz eta iretargitan / bidea erratu neban. Gand Elorri 97. Eta gaztiak sarri askotan erratzen degu pausua. In Uzt Noiz 53. Itzik erratu gabe nekian / [dotriña] dana edozein garaietan. Insausti 79.

  2. (Uso sust.). Fallo, falta. Mr. Leclusek bere obran ixuri dituen erratu ta utsune egopearrena. Izt, carta a JJMg 35. Ardiaren pekatu, erratu ta utsak / erru bagarik pagau ez daizan bildotsak. AB AmaE 252.

  2 erratu. “Erráatu, erráaketan (garixa), dar una semilla varios tallos, a veces hasta diez” Iz ArOñ. Cf. errotu, errastatu.

  Sinonimoak: ad. Bizk.

      [huts egin]: falta egin, faltatu, huts egin, arbel egin g.e., huts eman g.e., motz egin Bizk. g.e.  (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (1) (B; nor osagarririk gabe; gaur egun da ad. ere bai) fallar, equivocarse, errar; faltar (en algo) (2) (B; nor osagarriduna; gaur egun da ad. ere bai, -z erratu) equivocarse de, confundirse de; equivocar, confundir
  fr se tromper, faire erreur
  en to fail; to make a mistake; to do/get wrong
  port falhar, equivocar-se, errar

  Entzun:
  

  Erratu egin nintzen. [Patri maitea, Hasier Etxeberria (Alberdania, 2003)] (Ereduzko Prosa Gaur)

  Alabaina, barkatu beharko didazu insistentzia, ene ustez behar beharrezkoak ditugu bidean erratu zarela ikusi duzun horren hitzak, edo, hobeto, erratu gabetan, alferrik ibili denaren iritzia. [Patri maitea, Hasier Etxeberria (Alberdania, 2003)] (Ereduzko Prosa Gaur)

  

  erratu (Argazkia: argia.eus)

   
• 

  Maite 11:30 am on 2015/05/10 Permalink | Reply
  Tags: E ( 387 )   

  ernamuin 

  iz. 1. BOT. Hazietan, landarearen sorburu den zatia. 2. (hed.) Garatzean zerbait sor dezakeen edozer. Eritasunaren ernamuina. • ernamuin-zaku. Angiospermoen makrospora, hau da, nuzela barneko zortzi zelulek osatzen duten multzoa. (Harluxet Hiztegi Entziklopedikoa)

  Sinonimoak: iz.

  [hozia]: hozi, hozidura zah. (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (1) (Bot.) germen, embrión [de la semilla]; brote (2) (hed.) brote, aparición
  fr (1) germe, embryon [de la semence] ; bourgeon, rejet, bouton (2) (hed.) prémière manifestation, début
  en germ; shoot
  port (1) germe, gérmen; embrião; (de planta) broto, grelo (2) (ext.) brotamento, brotadura, brotação

  Entzun:
  

  ERNAMUINOTAN

  

  Tatuaia bat ene begietan, Txili Lauzirika

  Denboraren elastikotasunaz mintzo ginen,
  gu erloju gabeok,
  patuaren aldarte ona
  poltsikoetan gorde litekeelakoan.

  Gure solasetan pilatzen diren hitzek
  dakartzaten zentzugabetasunetan
  etorkizunak marraztu nahian
  jarduten genuen trakets,
  zurbiltasunez jantzitako trapezistak
  gertukotzat sentituz
  izu zuriz hesitutako eremuetan,
  gure baitan gatibatzen diren lekuetan.

  Zure leiho horien azpian
  gordetzen diren paradisuetan
  ezkutatu nituen ametsak,
  bizitzaren saminak eta herrak
  jazartzen gaituztenerako,
  ezer esan gabe elkarrekin izateko
  besarkada askaezinetan.

  [Tatuaia bat ene begietan, Txili Lauzirika (Susa poesia, 2008)]