Gaurko hitza

Tagged: U Toggle Comment Threads | Keyboard Shortcuts

• 

  Maite 7:22 am on 2012/03/21 Permalink | Reply
  Tags: U   

  udalehen 

  iz. Lau urtaroetatik lehena. Ipar hemisferioan, martxoko ekinoziotik ekaineko solstiziora hedatzen da. (Harluxet Hiztegi Entziklopedikoa)

  Sinonimoak: z. Bizk.
  [udaberria] udaberri, primadera Ipar., bedatse Zub., belartze Ipar. zah. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):
  

  es primavera
  fr printemps
  en spring

  Hori bera egiten du beste zenbait sasoirekin ere, udarekin berarekin kasu: udaberri edo udalehen, udazken, larrazken, sasoian sasoiko martxari jarraitu, alegia. [Naturaren mintzoa, Pello Zabala (Alberdania, 2000)] (Ereduzko Prosa Gaur)

   

  Reply

  Required fields are marked *

  Izena *

  E-posta *

  Webgunea

  Gorde nire izena, emaila eta webgunea bilatzaile honetan komentatzen dudan hurrengorako.

  Δ

• 

  Maite 10:03 am on 2012/02/29 Permalink | Reply
  Tags: U   

  urdanga 

  iz. 1. Txerri emea. 2. (herr.) Prostituta.  (Harluxet Hiztegi Entziklopedikoa)

  Sinonimoak: iz.
  [emagaldua] emagaldu, ematxar, maritzar, prostituta, puta (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):
  

  es (1) cerda (2) puta, ramera
  fr (1) truie (2) prostituée
  en (1) sow (2) whore

  Besteen behar fisiologiko oinarrizkoak asetzeko baino ez dut balio, behi bat naiz zentzu horretan, sukaldari erdipurdiko bat, garai hobeak ezagututako urdanga. [Katu jendea, Eider Rodriguez (Elkar, 2010)] (Ereduzko Prosa Dinamikoa)

  

  urdanga (Le client, Jean-Louis Forain, Wikimedia commons)

   
• 

  Maite 7:32 am on 2012/02/24 Permalink | Reply
  Tags: U   

  usin 

  iz. (Ipar.) Doministikua.  (Harluxet Hiztegi Entziklopedikoa)

  Orotariko Euskal Hiztegian:
  

  urtzintz (L, BN; H; -rz- Dv; urzinz Lar), burzintz (L-sar), urzainzt (BN (-inz), S; -inz VocBN), urtintx (L-sar), urtzain (S (-rz-); H; -añ Dv (BN-bard)), ursain (S; SP), ursai (Dv), urtxain (S; H), urxain (S; ürxañ Gèze). Ref.: A (ürsain, urtzintz, urzain, urzintz, burzintz); Lh (ürsain, ürxain); Lrq /ürźán’/; EI 385; Satr VocP (urtzintz); Echaide Nav 173.

  Sinonimoak: iz. Ipar.
  [doministikua] : urtzintz, atija Naf., doministiku beh. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):
  

  es estornudo
  fr éternuement
  en sneeze

  Telemakok, orduan, usin handi bat egin zuen, eta jauregi osoan egin zuen oihartzun. [Ulises, Homero / Juan Kruz Igerabide (Erein, 2000)]

  

  urtzintz (FlickrCC, labambola)

   
• 

  Maite 3:36 pm on 2012/02/12 Permalink | Reply
  Tags: U   

  urtxintxa 

  iz. ZOOL. Zuhaitzetan bizi diren esziuridoen familiako zenbait ugaztun karraskariren izen arrunta. (Harluxet Hiztegi Entziklopedikoa)
  

   
• 

  Maite 3:12 pm on 2012/01/01 Permalink | Reply
  Tags: U   

  urtats 

  iz. (batez ere Ipar.) 1. Urteberri–eguna. 2. Gabonsaria. (Harluxet Hiztegi Entziklopedikoa)
  

   
• 

  Maite 9:06 am on 2011/12/09 Permalink | Reply
  Tags: U   

  umezurtz 

  iz. eta izond. Aita, ama edo biak hil zaizkion haurra. • umezurtz-etxe. Umezurtzak jasotzen dituen erruki-etxea.  (Harluxet Hiztegi Entziklopedikoa)

  Sinonimoak: (UZEIren Sinonimoen Hiztegia)

  [zurtza] iz. zurtz, haurzurtz Zub.
  [emazurtza] izond. g.e. zurtz, emazurtz zah.

  Beste hizkuntza batzuetan (Elhuyar Hiztegia):
  

  es huérfano, -a
  fr orphelin, -e
  en orphan

  Etxekoak zenduz geroztik batez ere, jendetasunaren aldetik bezain hizkuntzarenetik, lurraren azalean umezurtz nenbilen, norabide zehatzik gabe loakeen harri borobilaren pare. [Jalgi hadi plazara, Itxaro Borda (Susa, 2007)] (Ereduzko Prosa dinamikoa)

   
• 

  Maite 7:15 am on 2011/10/27 Permalink | Reply
  Tags: U   

  urteurren 

  iz. Gertakari batetik urte–kopuru jakin bat iragan den urte edo eguna. (Harluxet Hiztegi Entziklopedikoa)

  Sinonimoak: iz.
  [urteburua] urtemuga, urteburu Ipar., urtegarren g.e. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):
  

  es aniversario
  fr anniversaire
  en anniversary

  Egunek abiadura bizian egiten dute aurrera, eta ia-ia ohartu gabe iritsi zaigu Gaurko Hitzaren 3. urteurrena ospatzeko ordua. Iaz laguntza eskatu nuen ekimenaren 2. urteurrena ospatzeko: nork bere gustuko hitza aukeratu, bideo bat atondu eta youtube-ra igo. Zalantzarik gabe, arrakastatsua eta emankorra izan zen eskea; izan ere, denon artean 84 bideo/hitz grabatzea lortu baikenituen. Gaurko hitzaren kanalean dituzue denak ikusgai.

  Aurten, eskatu beharrean, eman egin nahi nuke; eta, horretarako, lagun batzuekin batera, topaketa bat antolatu dut. Gaurko Hitzaren lagunak eta, batez ere, iaz zuen denbora eskuzabaltasunez eskaini zeniguten guztiak gurekin egotea eta ospatzea nahi genuke.

  Ekitaldian, besteak beste, Anarik, Euzkitzek, ‘Fastfatum’ Igor Calzadak, Harkaitz Canok, Iban Del Campok, Imanol Murua Uriak eta Patxi Huarte ‘Zaldieroa’-k hartuko dute parte. Koldo Martinezek aurkezpen lanak egingo ditu. Amaitzean, solaserako aukera izango dugu, zizka-mizka batzuen laguntzaz.

  Laburtzeko:

  • Ekitaldia: Gaurko Hitzaren 3. urteurrena ospatzeko topaketa.
  • Noiz: azaroaren 2an, iluntzeko 19:30ean,
  • Non: Donostian, DOKAn (bertako Kafe Antzokian).

  Etortzeko asmoa baduzue, eskertuko nizueke baiezkoa ematea galdeketa honetan izen-abizenak emanez.

  Amaitzeko, eskerrak eman nahi dizkiet Doka Kafe Antzokiko lagunei, alde batetik, euren txokoa gure eskura ipintzeagatik. Bestetik, Kixkurreri, zizka-mizkarako jaki guztiengatik; izan ere, dastatzeko aukera izango dugun jangai guztiak beraiek emandako Goerriko produktuak izango baitira.  (Maite Goñi)