Gaurko hitza

Updates from Maite Toggle Comment Threads | Keyboard Shortcuts

• 

  Maite 7:15 am on 2011/10/27 Permalink | Reply
  Tags: U ( 112 )   

  urteurren 

  iz. Gertakari batetik urte–kopuru jakin bat iragan den urte edo eguna. (Harluxet Hiztegi Entziklopedikoa)

  Sinonimoak: iz.
  [urteburua] urtemuga, urteburu Ipar., urtegarren g.e. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):
  

  es aniversario
  fr anniversaire
  en anniversary

  Egunek abiadura bizian egiten dute aurrera, eta ia-ia ohartu gabe iritsi zaigu Gaurko Hitzaren 3. urteurrena ospatzeko ordua. Iaz laguntza eskatu nuen ekimenaren 2. urteurrena ospatzeko: nork bere gustuko hitza aukeratu, bideo bat atondu eta youtube-ra igo. Zalantzarik gabe, arrakastatsua eta emankorra izan zen eskea; izan ere, denon artean 84 bideo/hitz grabatzea lortu baikenituen. Gaurko hitzaren kanalean dituzue denak ikusgai.

  Aurten, eskatu beharrean, eman egin nahi nuke; eta, horretarako, lagun batzuekin batera, topaketa bat antolatu dut. Gaurko Hitzaren lagunak eta, batez ere, iaz zuen denbora eskuzabaltasunez eskaini zeniguten guztiak gurekin egotea eta ospatzea nahi genuke.

  Ekitaldian, besteak beste, Anarik, Euzkitzek, ‘Fastfatum’ Igor Calzadak, Harkaitz Canok, Iban Del Campok, Imanol Murua Uriak eta Patxi Huarte ‘Zaldieroa’-k hartuko dute parte. Koldo Martinezek aurkezpen lanak egingo ditu. Amaitzean, solaserako aukera izango dugu, zizka-mizka batzuen laguntzaz.

  Laburtzeko:

  • Ekitaldia: Gaurko Hitzaren 3. urteurrena ospatzeko topaketa.
  • Noiz: azaroaren 2an, iluntzeko 19:30ean,
  • Non: Donostian, DOKAn (bertako Kafe Antzokian).

  Etortzeko asmoa baduzue, eskertuko nizueke baiezkoa ematea galdeketa honetan izen-abizenak emanez.

  Amaitzeko, eskerrak eman nahi dizkiet Doka Kafe Antzokiko lagunei, alde batetik, euren txokoa gure eskura ipintzeagatik. Bestetik, Kixkurreri, zizka-mizkarako jaki guztiengatik; izan ere, dastatzeko aukera izango dugun jangai guztiak beraiek emandako Goerriko produktuak izango baitira.  (Maite Goñi)

   

  Reply

  Required fields are marked *

  Izena *

  E-posta *

  Webgunea

  Gorde nire izena, emaila eta webgunea bilatzaile honetan komentatzen dudan hurrengorako.

  Δ

• 

  Maite 8:00 am on 2011/09/12 Permalink | Reply
  Tags: K ( 331 )   

  kanpolarrosa 

  izond. Kanpokoekin xalo eta atsegin dena.  (Harluxet Hiztegi Entziklopedikoa)

  Sinonimoak: izond. Bizk.
  [kanpoederra, kanpokoekin atsegin agertzeko joera duena] kanpoeder (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):
  

  es obsequioso con los de fuera de casa
  

  (…) Nora pertsona lotsatia zen, familiatik kanpo behintzat, kanpolarrosa, etxe barruan edo bere guraso eta anai-arrebekin oso dominantea zen ordea, oso ipurterrea eta jenio txarrekoa, baina Nora ez zen pertsona gaiztoa (…) [Ohe bat ozeanoaren erdian, Mikel Hernandez Abaitua (Erein, 2001)] (Ereduzko Prosa Gaur)

   
• 

  Maite 4:37 pm on 2011/07/25 Permalink | Reply  

  lasterketa 

  iz. 1. Lasterka egiteko ekintza. 2. Pertsonen, zaldien, etab.en arteko norgehiagoka; laster eginez leku jakin batera lehen heltzen denak irabazten du. Donostiako zaldi-lasterketak.  (Harluxet Hiztegi Entziklopedikoa)

  Sinonimoak: iz.
  [lasterka, lasterra] antxintxiketa, korrika, laster, lasterka, arineketa Bizk., arrapalada Bizk., lasterkada Gip. g.e. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):
  

  es carrera
  fr course
  en race; run

  Denboraren kontrako lasterketan, hogei urteetan egin ez zutena egin nahi izaten dute berrogeiak jota. [Lasto sua, Aingeru Epaltza (Alberdania, 2005)] (Ereduzko Prosa Dinamikoa)

   
• 

  Maite 12:03 pm on 2011/07/23 Permalink | Reply
  Tags: G ( 266 )   

  gustura 

  adb. (Ipar.) Norbaitek atsegin edo gogoko duen erara, gogara. (Harluxet Hiztegi Entziklopedikoa)

  Sinonimoak: adlag. beh.
  [gogara] erara, nahierara, gogara Ipar., gustuan beh., gustuz, alagalan Bizk. g.e (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):
  

  es a gusto, placenteramente
  fr volontiers, avec joie, avec plaisir
  en comfortably, at ease

  

  Egin klik irudiaren gainean, hutsuneak betetzeko ariketa egiteko.

   
• 

  Maite 9:03 am on 2011/06/08 Permalink | Reply  

  usaimen 

  iz. Usaina hautematen duen sentimena. Usaintze-prozesua kimiorrezepziozkoa da eta bere funtsezko mekanismoak ez dira oraindik ezagunak. Giza usaimenaren kimiorrezeptoreak sudurzuloetako pituitarioan daude; neuronak dira eta hondatzen direnean berriz sortzen dira. (Harluxet Hiztegi Entziklopedikoa)

  Sinonimoak: iz.
  [gorputzaren zentzumena] suma, usna Ipar. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):

  es (sentido del) olfato
  fr odorat
  en (sense of) smell

  Zu hurbiltzean, perfume sakon baten limoi usainak usaimena baino barruragoko zerbait ukitu dio Luisi. [Eta emakumeari sugeak esan zion, Lourdes Oñederra (Erein, 1999)] (Ereduzko Prosa Dinamikoa)

  

  usaimen (FlickrCC, Edith Maracle)

   
• 

  Maite 10:45 am on 2011/04/28 Permalink | Reply
  Tags: K ( 331 )   

  kakalarri 

  iz. (lgart.) Kaka egiteko premia handia. (Harluxet Hiztegi Entziklopedikoa)

  kakalarri (V-ger-ple-oroz-m-gip-al, G-azp). Ref.: A; Etxba Eib; Elexp Berg.

  1. “Necesidad de desocupar el intestino. Nun sosiguz eiñ bada, gauza ederra kakalarrixa; ez bada, munduan olako estuasunik” Etxba Eib. “Diarrea” Elexp Berg.

  2. “Inquieto, de poco asiento. También miedoso. Kokoteraiño najaon ume kakalarri onekin. Enitzakek manifestaziñora joango ire moduko kakalarri batekin” Elexp Berg. (Orotariko Euskal Hiztegia)

  Sinonimoak: (1) kakagale, kakagura, kakaegile (2) kakapirri, ipurterre, prakerre, zazpiki, zirin, egonezin, urduri, artega, ekurugaitz, nerbioso (Adorez Sinonimoen Hiztegia)

  Beste hizkuntza batzuetan (Elhuyar Hiztegia):

  es (1) iz. cagalera; ganas/necesidad de cagar (2) iz./izond. nervioso, -a, impaciente; que se apura fácilmente
  fr foire, foirade, envie d’aller à la selle
  en the urge to go to the bathroom, the need to defecate

  Kakalarri larriak sarri bezala harrapatu zaitu, ordea: aldean paperik ez duzula. [Egonean doazen geziak, Joxerra Garzia (Alberdania, 2000)] (Ereduzko Prosa Gaur)

  Izutua Anjelmari izan zen orduan, kakalarri ahotsez oihukatu zuenean: Amona??!! [16 ipuin amodiozko, Xabier Mendiguren Elizegi (Susa, 2002)] (Ereduzko Prosa Gaur)

   
• 

  Maite 7:34 pm on 2011/04/19 Permalink | Reply  

  astapito 

  iz. (L, BN eta GN) 1. Ardiak lepoan daraman zintzarria. 2. (hed.) Pertsona berritsua, txotxoloa. (Harluxet Hiztegi Entziklopedikoa)

  Sinonimoak: iz.
  [etxearen gainaldea] : terraza (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (1) cime, sommet (2) terrasse
  fr (1) cime, sommet (2) terrasse
  en (1) summit, peak (2) flat roof; balcony
  port (1) cume, cume (2) terraço

  Nola ekarri ordea hitzetara, gaindegian nik lizar hotsa atera ordu behorrek behetik egiten zuten irrintziak bihotzondoan eragiten zidan birbirrekoa! [Trapuan pupua, Patziku Perurena (Erein, 2001)] (Ereduzko Prosa Gaur)