Gaurko hitza

Updates from Maite Toggle Comment Threads | Keyboard Shortcuts

• 

  Maite 4:05 pm on 2014/08/16 Permalink | Reply
  Tags: I ( 288 )   

  inprimagailu 

  iz. INFORM. Konputagailuaren irteerako periferikoa, paper gainean karaktere alfanumerikoak edo irudiak idatziz informazioa erakusten duena.  (Euskalterm)

  Wikipedian:

  Inprimagailu bat ordenagailu baten dugun irudi edo testuzko dokumentu bat medio fisiko batetara (orokorrean, papera) pasatzeko funtzioa betetzen duen irteera periferiko bat da. Aurreneko inprimagailua XIX. mendean sortu zen, eta orain arte hobetzen joan dira. Badaude eta eskanerra eta inprimagailua batera dutenak.

  Motak

  Talka inprimagailuak: kalkatu egiten dute inprimagailu hauek, tinta beste tintarekin kolpatuz. Honen emaitza hurrengoa da: paperean puntu bat edo karaktere bat inprimatzen da. Margarita edo matrizialak inprimagailu hauen adibide dira.

  Tintazko inprimagailua: mota honek kartutxo batzuen bitartez inprimatzen du, non bere barruan 3tik 30 ml-ra edukia dauka. Bere kalitateak ia-ia laserrarena berdintzen du.

  Laser inprimagailuak: inprimagailu hauek kalitate onena dutenak dira, tema honetaz hitz egiterakoan, eta beraien prezioak aldakorrak izan daitezke, modeloaren arabera. Bere lan egiteko modua fotokopiagailuen oso antzekoa da. Bere kalitatea eta azkartasuna izugarrizkoa da
  

  Beste hizkuntza batzuetan (Elhuyar eta Word Reference hiztegiak):

  es impresora
  fr imprimante
  en PRT; printer
  port impressora

  Entzun:
  

  Inprimagailu hura oso oso makina txikia zenez, eta besoz mugitzekoa, Peña Platako gelatxo batean kokatu genuen, kasernako atariaren ondoan. [Putzu, Txillardegi (Elkar, 1999)] (Ereduzko Prosa Gaur)

  

  inprimagailu (Wikimedia Commons)

   

  Reply

  Required fields are marked *

  Izena *

  E-posta *

  Webgunea

  Gorde nire izena, emaila eta webgunea bilatzaile honetan komentatzen dudan hurrengorako.

  Δ

• 

  Maite 2:29 pm on 2014/08/15 Permalink | Reply
  Tags: Z ( 315 )   

  zazpizango 

  iz. Ipar. g.er. ‘ehunzangoa’.  ZOOL. Hanka–pare bana duten segmentu ugariz osatutako gorputza duten artropodo karniboro eta terrikolen izen arrunta. 3 cm baino luzeagoak izaten dira eta buruan erpe pozoitsu pare bat dute. Gehienetan lurrean, hosto artean eta egur usteletan bizi dira. 2.500 espezie inguru daude eta Chilopoda klasea osatzen dute. (Harluxet Hiztegi Entziklopedikoan ‘ehunzango’)

  Sinonimoak: iz.
  [ehunzangoa] : ehunzango (tekn.); zoko-zorri, infernuko katu (Elhuyar eta Adorez hiztegiak)

  Beste hizkuntza batzuetan (Elhuyar eta Word Reference hiztegiak):

  es (Zool.) ciempiés
  fr mille-pattes, scolopendre
  en centipede
  port centopéia

  Entzun:
  

  Zazpizango ugari ikusi genuen atzoko mendiko bueltan. 

  

  zazpizango (Karobi Photography)

   
• 

  Maite 9:36 am on 2014/08/12 Permalink | Reply
  Tags: E ( 387 )   

  euskalgintza 

  iz. Euskara eta, oro har, euskal kulturaren aldeko jarduera.  (Harluxet Hiztegi Entziklopedikoa)

  Orotariko Euskal Hiztegian:

  euskalgintza (PMuj). Actividad cultural vasca. v. euskaragintza. Zorionez ala zoritxarrez, euskalgintzak lan zaratatsuak… baino gehiago lan iraunkorrak behar ditu. R. Arregi Herriaren lekuko 231 (ap. DRA). Zenbat ez ote da gaur, lan isilean, euskalgintzaren itxaropenari zutik iraunerazten diona? Ib. 231 (ap. DRA). En DFrec hay 7 ejs.

  euskaragintza, euskeragintza. Actividad cultural vasca. Cf. MEIG II 69, donde se comenta el uso de este término (en la var. euzkeragintza) por parte de Gaizka Barandiaran (Iliasena, Gasteiz 1956). v. euskalgintza. Nondik eta nola euskaltzaleok idoroko batasun ori euskeragintzan? SMitx Unam 165.

  Sinonimoak: iz.
  [euskalgintza] : euskaragintza (Orotariko Euskal Hiztegia)

  Beste hizkuntza batzuetan (Elhuyar eta Word Reference hiztegiak):

  es actividad cultural vasca
  fr activité culturelle basque
  en Basque cultural activity
  port atividade cultural basca

  Entzun:
  

  Garatu edo aldatu. Bi aditz horiekin ari gara euskalgintzako eztabaidetan. Paradigma aldaketa izango da oraingo eztabaida hau garatu eta aldatzen dugunean. Dikotomia eta eztabaida horretan jarraitzen badugu, paradigma bertsuan jarraituko dugu. Paradigma aldaketa ez dago lotuta soilik egin beharreko aldaketekin eta garatu beharreko alorrekin —eta asko dira—, baizik eta euskalgintzaren barruko jarrerak, harremanak eta diskurtsoak berritzearekin. [“Ezinbestekoa da minimoetara iristea”, Kike Amonarriz (Euskararen hauspo berria, Garikoitz Goikoetxea )] (Berria.eus, 2014-08-08)

  Azken urteetan pauso handiak ematen ari dira joko zelai berri batera pasatzeko; askotan, joko zelaia lege eremuarekin identifikatzen dugu —zer betea eta garatua asko dago hor ere—, baina hori baino garrantzitsuagoa da euskalgintzan lanean ari garen guztiok —eta hor sartzen ditut euskalgintza instituzionala eta soziala— lortzea gure indarrak optimizatzea, estrategia minimo komun batzuetara iristea, eta aktibatzea ekarpen eta dinamismo soziala eta instituzionala. Jokoaren zati handi bat hor dago. [“Ezinbestekoa da minimoetara iristea“, Kike Amonarriz (Euskararen hauspo berria, Garikoitz Goikoetxea )] (Berria.eus, 2014-08-08)

  Euskalgintzak jarraitu behar du bere esparru hori zabaltzen, euskal komunitatea trinkotzen, sektore zabaletan euskararen aldekotasuna zabaltzen. Baldintzak sortzen. [“Ezinbestekoa da minimoetara iristea”, Kike Amonarriz (Euskararen hauspo berria, Garikoitz Goikoetxea )] (Berria.eus, 2014-08-08)

  

  euskalgintza (Gaurkohitza, CC)

  Zer da euskalgintza? - Garaigoikoa is discussing. Toggle Comments

   
• 

  Maite 8:28 am on 2014/08/11 Permalink | Reply
  Tags: A ( 569 )   

  atxikimendu 

  iz. 1. Maite edo gogoko den zerbaiti edo norbaitekiko lotura edo sentimenduzko erlazioa. 2. Zerbaitekiko, bereziki drogarekiko, menpekotasun fisiko edo psikikoa. • atxikimenduzko kontratu. Kontratuaren baldintzak alde batek ezarri eta besteak besterik gabe onartzen dituenean egindakoa. (Harluxet Hiztegi Entziklopedikoa)

  Sinonimoak: iz.
  [atxikimendu] : begikotasun, sinpatia atxikidura, lotura, itsaspen, eranspen.  (Adorez Sinonimoen Hiztegia)

  Antonimoak: iz.
  [atxikimendu] : ezinikusi, amorru, gaitzespen  (Adorez Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (1) apego, simpatía, afecto, devoción; adhesión; lazo, ligadura; aferramiento (2) adicción
  fr (1) attachement, affection, adhésion (2) dépendance
  en (1) attachment; liking, fondness; affection; adhesion (2) addiction
  port (1) apego, afeição (2) vício

  Entzun:
  

  Atxikimendua ezinbertzekoa da hizkuntza batek bizirik irauteko. Gure historia hurbilean, atxikimendu hori aintzat hartu gabe ezin azal daiteke euskarak nola iraun duen orain artio. [“Frustragarri samarrak izan dira hamar urte hauek“, Paula Kasares (Euskararen hauspo berria, Garikoitz Goikoetxea )] (Berria.eus, 2014-08-08)

  

  atxikimendu (Gaurko hitza, CC)

   
• 

  Maite 7:00 pm on 2014/08/10 Permalink | Reply
  Tags: S ( 160 )   

  sinesgarritasun 

  iz. Sinesgarria denaren nolakotasuna. (Harluxet Hiztegi Entziklopedikoa)

  Orotariko Euskal Hiztegian

  sinesgarritasun (-nh- Dv). Credibilidad.  Zeintzuk dira sinisgarritasunaren zergaitikotasunak? Itz Azald 18. Ipuinari sinesgarritasun eta bizitasun apur bat eman. PPer FLV 1987, 186.

  Sinonimoak: iz.
  [sinesgarritasun] : fidagarritasun (Adorez Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es credibilidad
  fr crédibilité
  en credibility
  port credibilidade

  Entzun:

  Euskalgintzaren mezu autonomoaren uhina sinesgarritasunez hedatzen bada, doinu berri moduko bat sortzeko gai bagara, gauzak hobeto egin ditzakegu. [«Ametsa ekoiztu behar da berriro», Jon Sarasua (Euskararen hauspo berria, Garikoitz Goikoetxea )] (Berria.eus, 2014-08-07)

  

  sinesgarritasun (Gaurkohitza, CC)

   
• 

  Maite 5:25 pm on 2014/08/09 Permalink | Reply
  Tags: A ( 569 )   

  atebide 

  iz. Mota desberdinetako sareak elkarrekin konektatzen dituen hardware eta software konbinazioa. (Euskalterm)

  Wikipedian:

  Atebidea edo pasabidea protokolo eta arkitektura maila guztietan ordenagailuak elkar lotzea eta komunikatzeko sareak sortzea ahalbideratzen duen gailu bat da. Bere xedea sareko protokolotik helburuko protokolora informazioaren itzulpena egitea da.

  Atebidea makinak sare lokal batera konektatu ahal izateko konfiguratua dagoen ekipo informatikoa da normalean, eskuarki IP helbideen itzulpenak egiten dira (Network Address Translation). Helbideen itzulpen gaitasun honi esker “IP helbidea maskaratu” daiteke. Teknika hau asko erabiltzen da Internetera konexio bera duten (eta kanpo IP bera duten) sare lokal bateko makinei interneterako sarbidea emateko.

  Atebide baten IP Helbideak normalean itxura hau du: edo eta barruti aurrezehaztu batzuek erabiltzen ditu, 127.x.x.x, 10.x.x.x, 172.31.x.x, 172.16.x.x 192.168.x.x, area lokaleko sareetako erreserbatzen direnak. Gainera, nahitaez sarerako atebide funtzioa betetzeko, bi sare-txartel izan behar ditu. (Jarraitu irakurtzen…)

  Sinonimoak: iz.
  [pasabide] : pasabide (Euskalterm)

  Beste hizkuntza batzuetan (Elhuyar eta Word Reference hiztegiak):

  es pasarela
  fr passerelle
  en gateway
  port ponte de ligação, gateway

  Entzun:
  

  Zerbitzari bat ezarri du urruneko kokalekuetatik barneko sarera sartzeko atebide gisa. [244/2010 DEKRETUA, irailaren 21ekoa, Sareko informatika-sistemen administrazioko goi-mailako teknikariaren tituluari dagokion curriculuma ezartzen duena [pdf]. (EHAA – 2010eko abenduak 15, asteazkena)]
  

  

  atebide (Wikimedia Commons, MarcPG )

   
• 

  Maite 8:30 am on 2014/08/08 Permalink | Reply
  Tags: B ( 476 )   

  bultzagarri 

  iz. Zerbait egitera bultzatzen duena. Zaletasun sutsua da gure gogoaren bultzagarririk onena. (Harluxet Hiztegi Entziklopedikoa)

  Sinonimoak: iz.
  [zerbait egitera bultzatzen duena] : eragingarri, pizgarri  (Adorez Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es incentivo, estímulo, aliciente; impulsor
  fr stimulation, motivation
  en incentive, stimulus
  port incentivo, estímulo, aliciente

  Entzun:
  

  Utopia da hezkuntza sistema eleaniztunari buruz hitz egitea? Derrigorrezko utopia. Zaila da, baina derrigorrezkoa. Utopia zentzu onean hartu behar da; hori gabe, ez daukagu aurrera egiterik. Eleaniztun onak lortzea posible da, baldintza asko oso ondo badaude. Lortu beharreko utopia da, eta aurrera egiteko bultzagarri. [“Errutinan sartu gara“, Itziar Idiazabal (Euskararen hauspo berria, Garikoitz Goikoetxea )] (Berria.eus, 2014-08-06)

  

  bultzagarri (Gaurko hitza, CC)