Updates from November, 2008 Toggle Comment Threads | Keyboard Shortcuts

  • Maite 2:24 am on 2008/11/30 Permalink | Reply
    Tags:   

    gizalege 

    iz. Gizon-emakumeei dagokien portaera, gizartean bizitzeak ezartzen dituen jokabide-arauekiko begirunea. Gizalegez jokatu.

    Sinonimoak: (1) gizabide, gizatasun, adeitasun, jendetasun, jentiltasun, fintasun, egitate, zibismo, kortesia (2) zuzentasun, justizia.

    Ze gizalege, zer erakutsi zien haur horiei gurasoek? [New Yorkeko kronika beltza, Gotzon Garate]

     
  • Maite 12:09 am on 2008/11/29 Permalink | Reply
    Tags:   

    zinez 

    adb. Egiaz, benetan. Zinez diotsut.ZINEZ ETA MINEZ. Bene-benetan.

    Sinonimoak: egiaz, egiatan, benetan, egiazki, zin-zinez, zinki, benaz, bene-benetan, serioski, zintzoki, leialki, itsu-itsuan…

    Zinez penatuta zegoen, hori benetan sinetsi nion. [Neguko zirkua, Harkaitz Cano]

     
  • Maite 1:07 am on 2008/11/28 Permalink | Reply
    Tags:   

    artega 

    adb. (batez ere B) Oinaze edo egonezin batek kezkaturik edo larriturik. Estu eta artega zeuzkan buruko min batek.

    Sinonimoak: larri, urduri, zirin, egonezin, kezkati, kezkatsu, pirri, ezinegon, ekurugaitz, arduratsu…

    Denbora-tarte batez alde batetik bestera artega ibili ondoren, ispilu-atetik irten eta esekitako jantziz beteriko korridore batera heldu zen. [Manhattan Transfer, John Dos Passos / Lopez de Arana]

     
  • Maite 12:09 am on 2008/11/27 Permalink | Reply
    Tags:   

    izeki 

    du ad. 1. (batez ere G) Irazeki. 2. (hed.) Piztu, hasi. Gorrotoa izeki.

    Sinonimoak: (1) irazeki, sua piztu, piztu, sua eman, sutu, su hartu, suak hartu (2) berotu, kilikatu, areagotu…

    Argi bat izeki zen zeruan, su horidun sugarra oztopo itzaltsuen atzean. [ Eraztunen Jauna III, J.R.R. Tolkien / Agustin Otsoa]

     
  • Maite 12:13 am on 2008/11/26 Permalink | Reply
    Tags:   

    ortozik 

    adb. Oinutsik. Amerikan ere txakurrak ortozik.

    Sinonimoak: oinutsik, ortuts, ortutsik…

    Gero ortozik ibili ginen goizaldean, eta biharamunean gurutzea egingo genuen lizar arramaz, eta galburu eta lorez, erramua etxeko atean eskegitzeko. [Kolosala izango da, Joseba Sarrionandia]

     
  • Maite 12:16 am on 2008/11/25 Permalink | Reply
    Tags:   

    destaina 

    iz. Erdeinua, mespretxua.

    Sinonimoak: arbuio, erdeinu, gutxiespen, mespretxu, narda, narga…

    Mesprezatua izan berri denaren duin-papera antzezten ari zen Herio, edo benetakoa zuen destaina? [Argizariaren egunak, Anjel Lertxundi]

     
  • Maite 12:45 am on 2008/11/24 Permalink | Reply
    Tags:   

    fereka 

    (batez ere Ipar.) 1. iz. Leunki, emeki egindako ukitua. Hitzak antzu, motz gelditzen direnean sortzen da eskuaren mintzaira, eskuaren fereka. 2. adb. Ferekatuz. Zango odoltsu horiei fereka eta musuka.

    Sinonimoak: laztan, txera, lausengu, losin, losintxa, balaku, eregu, zirri…

    Eskuin eskuko hatz lodia eta zuzena erabiliz kokotsean fereka eginik, lepotik paparrerainoko tartea inguratu nion. [Rock'n'roll, Aingeru Epaltza]

     
c
compose new post
j
next post/next comment
k
previous post/previous comment
r
reply
e
edit
o
show/hide comments
t
go to top
l
go to login
h
show/hide help
shift + esc
cancel