Gaurko hitza

Tagged: I Toggle Comment Threads | Keyboard Shortcuts

• 

  Maite 9:21 pm on 2009/07/26 Permalink | Reply
  Tags: I   

  ilaundu 

  da/du ad. 1. Ilaun bihurtu, erraustu; suntsitu. 2. Ilaun bihurtu, bizitasuna, indarra galdu. (Harluxet Hiztegi Entziklopedikoa)

  Sinonimoak: erraustu, suntsitu, ezereztu, ezdeustu, deuseztatu. (Adorez Sinonimoen Hiztegia)

  […] eta koltxoiak bildurik, aire deslai hauek, gudaloste handien abangoardia hauek, burrunban, apal soilak igurtziz, horzka eta haize emanez, ez zuten topatu logela eta saloian gogor egiten zien ezer, bakarrik zintzilikarioak far-far, egurrak intzirika, mahaien hanka luzeak, lapikoak eta portzelana ilaundu, uhertu, pitzatua. [Farorantz, Virginia Woolf / Anton Garikano (Ibaizabal, 2001)] (Ereduzko Prosa Gaur)

   

  Reply

  Required fields are marked *

  Izena *

  E-posta *

  Webgunea

  Gorde nire izena, emaila eta webgunea bilatzaile honetan komentatzen dudan hurrengorako.

  Δ

• 

  Maite 8:56 am on 2009/07/17 Permalink | Reply
  Tags: I   

  ilunantz 

  iz. Argitasun ahula. (Harluxet Hiztegi Entziklopedikoa)

  Sinonimoak: argiantz (Adorez Sinonimoen Hiztegia)

  Horrenbeste gauzaz egin behar baitzuen amets! Pasabide ilunantz hartan, pixa usainarekin nahastua, Joseba odol lodiz inguratua zegoen, aurpegia zurbil, eskua saihetsean zerbait estaltzen ari balitz bezala. [1100. street-eko geltokia , Iñaki Zabaleta (Elkar, 2003)] (Ereduzko Prosa Gaur)

   
• 

  Maite 12:15 am on 2009/06/21 Permalink | Reply
  Tags: I   

  irusako 

  iz. Gezurra, iruzurra. Irusako egin. (Harluxet Hiztegi Entziklopedikoa)

  Sinonimoak: iruzur, marro, zimarku, tranpa, maula, engainu. (Adorez Sinonimoen Hiztegia)

  Ez naiz, izatez, hormetan itsatsitako paperetan deitzen diren hitzaldietara joateko zalea, asko eta asko irusako hutsa baitira, edozer saltzeko atxakia, alegia. Halan da ere, emateko ziren hitzaldietako baten izenburuak txito erakarri ninduen: neuk ere titulurako hartu dudan berberak. [“Semen retentum venenum est” , Sor Teresa la Perversa. Txistu y Tamboliñ… y cría cuervos y tendrás muchos. (1993-azaroa). Literatur Aldizkarien Gordailua]

   
• 

  Maite 1:20 pm on 2009/06/17 Permalink | Reply
  Tags: I   

  imurtxi 

  iz. 1. Gorputzeko azal-zati bat eskuko hatz-muturren artean estutzea; estutze horrek eragiten duen zirrara. Imurtxi egin. 2. (hed.) Besterenetik zerbait hartu. Inoren gauzari imurtxi egiten. (Harluxet Hiztegi Entziklopedikoa)

  Sinonimoak: atximur, zimiko, txatxamur, imurtxikada, txatxamurkada. (Adorez Sinonimoen Hiztegia)

  Gero, titiburuak imurtxi, eta, gogortu zaizkionean, eskuineko hiru hatz luzeenen puntak zupatu, eta alura eraman ditu lizun. [Behi eroak, Patxi Iturritegi (Elkar, 2003)] (Ereduzko Prosa Gaur)

   
• 

  Maite 8:24 am on 2009/06/04 Permalink | Reply
  Tags: I   

  ibitu 

  da/du ad. (B) Beheratu, gutxitu; indarra galdu. Handitua ibitzen ari zaio. (Harluxet Hiztegi Entziklopedikoa)

  Sinonimoak: (1) beheratu, gutxitu (2) baretu, jabaldu, lasaitu (3) ematu, eztitu.  (Adorez Sinonimoen Hiztegia)

  Eta hala ere, ez dakit zergatik, nik esperantza neukan, gure arteko solasaldi lasai eta gizabidetsu haren ostean, zure irrikak ere lasaitu eta gizabidezkotu egingo zirela, inoiz zure “nahi eroak” izendatzen zenituen haiek ibitu eta ematuko zenituela, zure irrikaren alferrikakotasunaz ohartuko zinela. [Arima enkoniatuak, Xabier Mendiguren Elizegi (Elkar, 2006)] (Ereduzko Prosa Gaur)

   
• 

  Maite 10:48 pm on 2009/06/03 Permalink | Reply
  Tags: I   

  iguripen 

  iz. Itxaropena; bereziki, aurreikusten den zerbaitetan izaten den itxaropena. (Harluxet Hiztegi Entziklopedikoa)

  Sinonimoak: (1) itxaropen, itxarote, esperantza (2) ikusmin, arreta. (Adorez Sinonimoen Hiztegia)

  1960ko hamarkadako azkeneko urteetan, arte-baliabideen iguripen tradizionalak zalantzan jarri eta berriro aztertu ziren. [Guggenheim Bilbao, Programazio artistikoa]

   
• 

  Maite 2:25 am on 2009/05/02 Permalink | Reply
  Tags: I   

  ilki 

  da ad. (Ipar.) Atera, irten.  (Harluxet Hiztegi Entziklopedikoa)

  Sinonimoak: atera, irten, jalgi, idoki. (Adorez Sinonimoen Hiztegia)

  Trena hartzen zuen lehen aldia zen Beinatentzat: ez zen sekula etxetik Donapaleuko merkatua baino urrutiago ilki. [Zeruetako erresuma, Itxaro Borda (Susa, 2005)] (Ereduzko Prosa Gaur)