Tagged: M Toggle Comment Threads | Keyboard Shortcuts

  • Maite 7:53 am on 2009/07/01 Permalink | Reply
    Tags: M   

    marigorringo 

    iz. ZOOL. Kokzinelidoen familiako intsektu koleopteroen izen arrunta. Gorputza globularra eta beltza dute eta bizkarraldea (elitroak) gorria, horia edo beltza, eta sarritan marraz edo titaz apainduta dago. Landareen izurrite diren hainbat intsektuz elikatzen dira. • marigorringo zazpitita. Elitroak gorriak dituzte eta zazpi orban edo titaz apainduta daude. Oso arrunta da (Coccinella septempunctata.). (Harluxet Hiztegi Entziklopedikoa)

    Sinonimoak: katalingorri, mantalgorri, amona mantalgorri, amona gonagorri, maritxu teiletako. (Adorez Sinonimoen Hiztegia)

    Bestela? Marigorringo bat topatu agudo, gaur bertan! Eta eskuan goxo-goxo hartu, hatz puntta baterantz igotzen utzi, eta kantatu: doinu gabe edo doinua asmatuta –! Marigorringo –, Marigorringo, bihar ta etzi eguzkia egingo! Eta itxaron… Hegan egin ez badizu, abestu beste hau –: Marigorringo –, Marigorringo, bihar eguzki etzi euri egingo! Itxaron… Eta badaezpadan, behin eta berriz kantatu, txandaka, hegada xuabez ospa egin dezan arte! Ea non egokitzen den hegan hastea… huraxe egingo omen! [Naturaren mintzoa, Pello Zabala (Alberdania, 2000)] (Ereduzko Prosa Gaur)

     

  • Maite 1:14 am on 2009/06/12 Permalink | Reply
    Tags: M   

    marro 

    1. iz. (Ipar. eta GN) Aharia. 2.iz. Engainua, iruzurra. Marro egin. (Harluxet Hiztegi Entziklopedikoa)

    Sinonimoak: (1) ahari, maxo (2) iruzur, tranpa, maula, trankart, iruzurkeria, atzipe, atzipamendu, amarru, engainu, marrokeria (3) marrao, miau (4) erlauntza, marraka. (Adorez Sinonimoen Hiztegia)

    Horretan ere, goiz hasierako zorte txarrari marro egina niola iduri zuen, Gomez de Seguraren hozkailuak ez baitzuen ostatu-hartzailerik falta: emazteki bat, huts egite mediko baten erruz zendua, nonbait, forentseak ehiza-trofeo baten gisara erakusten ziona argazkilariari. [Rock’n’roll, Aingeru Epaltza (Elkar, 2000)] (Ereduzko Prosa Gaur)

     

  • Maite 12:58 am on 2009/05/29 Permalink | Reply
    Tags: M   

    marmaratu 

    du ad. (Ipar.) Marmar egin.(Harluxet Hiztegi Entziklopedikoa)

    Sinonimoak: marmarrean aritu, marmarka aritu,  marmar egin, marmarka egin, marmar egon, purrust egin, purrustaka aritu, purrustaka egon, gurguratu. (Adorez Sinonimoen Hiztegia)

    -Ez dut sinesten emazte baten betekizun bakarra lisatzea eta jateko prestatzea denik – marmaratu nuen enekiko, lankidea elkor geratuko zelako esperantzan. [%100 basque, Itxaro Borda (Susa, 2001)] (Ereduzko Prosa Gaur)

     

  • Maite 2:41 pm on 2009/04/16 Permalink | Reply
    Tags: M   

    mazal 

    izond. Adiurre onekoa. (Harluxet Hiztegi Entziklopedikoa)

    Sinonimoak: (1) begiko, atsegin, gozo, adeitsu, adikor, xeratsu, ezti (2) lasai, bare, patxadatsu. (Adorez Sinonimoen Hiztegia)

    Batez ere senargai bila zebiltzan eta mutxurdinak joaten ziren aholku eske Uliako sorgin mazal horrengana. [New Yorkeko kronika beltza, Gotzon Garate (Elkar, 2004)] (Ereduzko Prosa Gaur)

     

  • Maite 12:14 pm on 2009/04/15 Permalink | Reply
    Tags: M   

    maitaro 

    adb. Maiteki, maitasunez. (Harluxet Hiztegi Entziklopedikoa)

    Sinonimoak: maiteki (Adorez Sinonimoen Hiztegia)

    Zer nuen nik halako min latza barnean, elkarrekin gozo eta maitaro bizitzeko ohitura eten berriaren zauria ez bazen? [Hainbat idazlan, San Agustin / Imanol Unzurrunzaga (Klasikoak, 2003)] (Ereduzko Prosa Gaur)

     

  • Maite 7:32 am on 2009/03/11 Permalink | Reply
    Tags: M   

    mustatu 

    du ad. (batez ere B) Dastatu.. (Harluxet Hiztegi Entziklopedikoa)

    Sinonimoak: dastatu, ahogozatu, murtxatu, gustatu. (Adorez Sinonimoen Hiztegia)

    Mendekuaren zapore gozoa mustatu nuen, bere burua etsita ikustean.

     

    • ander goñi 8:32 am on 2009/03/11 Permalink

      Etxarrin “mustu” erabiltzen da.

    • Maite 9:06 am on 2009/03/11 Permalink

      Aupa, Ander!

      Egia esan, nik ez nuen forma hau ezagutzen eta badirudi ez dela batere erabilia. Ereduzko Prosa Gaur corpusean adibide bila ibili naiz eta ezer ez. Gero beste corpus batzuetan zertxobait azaldu zait. XX. mendeko euskararen corpus estatistikoan, esaterako:

      1. 1900-1939 Gipuzkera Literatur prosa Ir Lapur 0037
      Nere bi lagunak doi-doi mustatu zuten; nik, jateko ta jateko esan nien, eta ez esan bakarrik, baita neronek azkar janez erakutsi ere.

      Hori bai, sinonimoen hiztegi guztietan azaltzen da…

      Mila esker zuen formaren berri emateagatik! 😉

    • ander goñi 8:37 am on 2009/03/12 Permalink

      Aupa Maite:

      Jose Luis Erdoziaren “Sakanako hizkeren araberako idazkera batua” (http://www.sakana-mank.com/Argazkiak/Dokumentuak/ErdoziaLiburua.pdf) lanean aurkitu dut erabilera bat, 31. orrian:

      Ad. Estreinatu. Gaur oñetakuek mustu zittubet! (Gaur oinetakoak mustu ditiat!).

  • Maite 12:10 am on 2009/02/23 Permalink | Reply
    Tags: M   

    mutiri 

    izond. (Ipar.) Ausarta, lotsagabea.

    Sinonimoak: lotsagabe, muturluze, aurpegihandi, petral, lotsabako, nabasi, kopetadun, ozar, ausart (Adorez Sinonimoen Hiztegia)

    Ez ote daukat arbasoren bat kapitain ausart, alferiz gazte izukaitza, edo hitz urriko negrero mutiri? [Arbelaren gainean, Xabier Mendiguren Elizegi] (Ereduzko Prosa Gaur)

     

← Older posts

Newer posts →

c
Compose new post
j
Next post/Next comment
k
Previous post/Previous comment
r
Reply
e
Edit
o
Show/Hide comments
t
Go to top
l
Go to login
h
Show/Hide help
shift + esc
Cancel