Gaurko hitza

Updates from apirila, 2015 Toggle Comment Threads | Keyboard Shortcuts

• 

  Maite 11:42 am on 2015/04/26 Permalink | Reply
  Tags: B ( 476 )   

  biziraun 

  du ad. Bizirik iraun.  (Harluxet Hiztegi Entziklopedikoa)

  Sinonimoak: iz.
  [biziraun] : bizirik irten/atera, bizirik iraun, (Elhuyar Hiztegia)

  Beste hizkuntza batzuetan (Elhuyar eta Word Reference hiztegiak):

  es sobrevivir, pervivir
  fr survivre
  en survive
  port sobreviver

  Entzun:

  H)

  

  Alea, Beñat Sarasola

  liburua irakurtzeari ekin
  dio pelikanoek alde egin
  dute zoologikotik ekologistek
  hori ez da bide zuzena zuen
  kontra bihurtuko da gauzak
  zentzuz egin behar dira fede
  ona al dago sopa beroa urtarrilaren
  zortzian eskertzen da oro
  har baina hogei gradutan ekologistek
  ez dute deus ulertzen polo esaten
  badute ez da izozki gorri bat
  munduaren hondamena ea behingoz
  datorren esan du john wilkinsonek
  non bizi dira orain pelikanoak nortzuek
  elikatzen dituzte euren biziak aurrera
  ateratzeko gai ote dira galdu al
  dute bizirauteko sena zertarako
  aspirina bat orain zer irabazten dute
  horrela nola egin aurrera heriotza
  aintzat hartzea normala bada fedek
  harrikoa egin du bada zerbait
  ulertzeko gai ez dena eta itxi

  [Alea, Beñat Sarasola (Susa Poesia, 2009)]
  

   

  Reply

  Required fields are marked *

  Izena *

  E-posta *

  Webgunea

  Gorde nire izena, emaila eta webgunea bilatzaile honetan komentatzen dudan hurrengorako.

  Δ

• 

  Maite 5:10 pm on 2015/04/20 Permalink | Reply
  Tags: B ( 476 )   

  berunkara 

  izond. Berunaren kolorekoa. (Harluxet Hiztegi Entziklopedikoa)

  Orotariko Euskal Hiztegian

  berunkara. De color plomizo. Erriko uso zuri ta berunkarak, lagunpillo ikaragarria ikusirik, ara onaka asi ziran inguru osoan egadaka. Erkiag Arran 169.

  Sinonimoak: iz.
  [berunkara] : berun-kolore (Euskalterm)

  Beste hizkuntza batzuetan (Orotariko Euskal Hiztegia eta Word Reference hiztegiak):

  es de color plomizo
  fr couleur plombée
  en lead-colored
  port colorido chumbo

  Entzun:
  

  Ikusi @euskaljakintza, @IbanZ-k zer hitz polita erabili duen bere tuitean: "berunkara". #GaurkoHitza-rako egokia. https://t.co/YYw7dsX1j8

  — Manex Lete (@manexlete) April 19, 2015

  
  

  Soilik zeru berunkara, grisa, artean eguzkiaren dirdaiak argitu gabea. [Pedro Páramo, Juan Rulfo / Juan Garzia (Ibaizabal, 2001)] (Ereduzko Prosa Gaur)

  

  berunkara (FlickrCC, Jimmy Baikovicius)

   

   
• 

  Maite 3:14 pm on 2015/04/17 Permalink | Reply
  Tags: B ( 476 )   

  bezatu 

  du ad. 1. Ohitu. Ni baino bezatuagoa. 2. Bihurria edo basatia hezi, etxekotu. Zaldia bezatu. Urteak joan eta pixka bat bezatu zuten mutikoa. (Harluxet Hiztegi Entziklopedikoa)

  Sinonimoak: ad. (UZEIren Sinonimoen Hiztegia)

  [animaliak hezi]: hezi, zebatu Ipar., domatu Heg. beh.

  [ohitu]: Bizk. g.e.jarri, ohitu, laketu Ipar., ekandu Bizk., usatu zah., kostumatu Ipar. zah.

  Beste hizkuntza batzuetan (Elhuyar eta Word Reference hiztegiak):

  es (1) acostumbrarse (2) domesticar, domar (sentido real y figurado)
  fr dresser, dompter, domestiquer
  en to tame, to domesticate; to train
  port (1) acostumar-se (2) domesticar

  Entzun:

  Hor dator semea, gazte lerden egina zaldi bezatu harro baten gainean. [Konpainia noblean, Anjel Lertxundi (Alberdania, 2004)] (Ereduzko Prosa Gaur)

  

  bezatu (freepikCC, stockvault)

   
• 

  Maite 10:30 am on 2015/04/12 Permalink | Reply
  Tags: B ( 476 )   

  bizitu 

  1. da/du ad. Biziago bihurtu, bizitasuna hartu edo eman. Lehenengo sua biztu, gero bizitu. 2. da ad. Edari bat mindu, garraztu. 3. Ik. bizi izan. (Harluxet Hiztegi Entziklopedikoa)

  Sinonimoak: ad.

  [biziago bihurtu]: biziagotu, biziberritu

  [mindu]: garraztu, mikaztu, mindu, mingartu, mingostu, ozpindu, samindu, karmindu Ipar., behazundu g.e., lapastu g.e. (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (1) da/du ad. avivar(se), hacer(se) más vivo (2) da ad. [ardoa…] agriarse
  fr  da/du ad.  aviver, raviver, ranimer
  en da ad. to revive, to arouse; du ad.  to intensify, to enliven; [sua] to stoke; [kolorea] to brighten
  port (1) ad. avivar (2) ad. azedar

  Entzun:
  

  INURRIA (1)

  Bilbo-Donostia noranzkoan,
  autobidean eskuinetara: ospitalea,
  hamar solairu, anagrama urdina saihetsean.
  Hortxe itxaron diot heriotzari.

  Hosto bat jausi da.
  Inurriak ez du paisaia aldatua ulertzen.
  Konbultsioz higitzen da
  giltzaz bizituriko jostailuak bezala.

  [Bitsa eskuetan, Miren Agur Meabe (Susa poesia, 2010)]

   
• 

  Maite 11:00 pm on 2015/04/11 Permalink | Reply
  Tags: B ( 476 )   

  bideoblog 

  bideoak erabiliz egiten den blog edo bitakora da vloga. Ingelesezko videoblog, vblog edo vlog hitzetatik datorren berba da, hau da, bideobloga. Blog mota honetan ikusentzunezko ekaiak dira nagusi. Bideoak kronologikoki antolatuta agertzen dira artxiboa dagoelarik kontsultatu ahal izateko. Vlogak pertsonalak edo elkarlanaren bidez egindakoak izan ahal dira, tratatzen diren gaiak edonolakoak izan daitezkeela. (Wikipedia)

  Sinonimoak: iz.
  [bideoblog] : vblog
  

  Beste hizkuntza batzuetan (Wikipedia):

  es videoblog, vblog
  fr blogue vidéo, blog vidéo, vidéoblogue, abrégé en vlog ou vlogue
  en video blog, vblog, video log, vlog
  port videoblogue, videoblog, videolog ou vlog

  Entzun:
  

  Elkartekoek bideoblog bat sortzea erabaki zuten, euren lana zabaltzeko.
  

  

  bideoblog (Irudia: gooyaabitemplates.com)

   
• 

  Maite 10:51 pm on 2015/03/25 Permalink | Reply
  Tags: B ( 476 )   

  burusi 

  iz. Ohe-estalkia, tapakia. (Harluxet Hiztegi Entziklopedikoa)

  Sinonimoak: iz.

  [ohe-estalkia]: tapaki, manta Heg. (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es manta, centón; paño tosco
  fr couverture
  en blanket
  port cobertor

  Entzun:
  

  Argitsu eta atsegin agertu zen gela; ohe nahasiak eta burusi lurrera eroriak soilik salatzen zuten halako izu oraindik guztiz iraungi gabe bat. [Zazpi urkatuak, Leonid Nikolaievitx Andreiev / Jose Morales (Alberdania-Elkar, 2006)] (Ereduzko Prosa Gaur)

  

  burusi (Pixabay, CC0 Public Domain)

   
• 

  Maite 10:13 am on 2015/03/09 Permalink | Reply
  Tags: B ( 476 )   

  berba 

  iz. (B) Hitza. • BERBA BETE. Norberak agindutakoa egin. || BERBA EMAN. Norberak zerbait egingo duela agindu. Joango nintzela esan nien, eta behin berba emanez gero, joan egin beharko dut. || BERBA HARTU. Norbaitek emandako berba kontuan, gogoan hartu. Esan nuen 100 kiloko harria jasotzen nuela. Lagunek berba hartu zidaten, eta orain kontuak. || BERBA JAN. Norberak agindutakoa ez bete. || BERBARAKO. Adibidez; nolabait esateko.  (Harluxet Hiztegi Entziklopedikoa)

  Sinonimoak: iz. Bizk.

  [hitza]: hitz, ele Ipar. (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (B) palabra
  fr (B) parole, vocable, verbe
  en word; term; expression
  port palavra

  Entzun:
  

   Kaixo, tribukide:

  “Tribuaren Berbak” saio berrituaren aurkezpenera gonbidatu nahi zaitugu. Aurkezpena martxoaren 9an izango da, 19:00etan, EiTBren Bilboko egoitzan.
  Bertan, Maite Iturbe EiTBren zuzendari nagusiak bertaratuak agurtuko ditu. Mertxe Mugika AEK-ko kordinatzaile nagusiak eta Asier Amondo Korrikaren koordinatzaleak “Tribua Korrika eta Euskahalduntzen” sarrera egingo dute.
  Ondoren, Kike Amonarrizek “Tribuaren Berbak saioa Telebistatik kanpo erabiltzeko gida” eskainiko du.

  Bertaratutakoei orain arte telebistan eman diren Tribuaren Berbak saioko atalen laburpen gida emango zaie. Eta material hori oinarri hartuta, ariketa praktikoak ere egingo dira.
  Eskolako irakasle, euskaltegiko ikasle zein irakasle edota euskara teknikari gisa material hau baliagarri izango zaizulakoan gonbidatu nahi zaitugu “Tribuaren Berbak” saio berrituaren aurkezpenera.

  Zure inguruan gonbidapen honen berri ematea eta zabaltzea eskertuko genizuke.

  Aldez aurretik mila esker, zure zain izango gara.

  Kike Amonarriz, Tribuaren berbak

  

  Kike Amonarriz. Iturria: EiTB