laket
izond. (Ipar.) Atsegina. Irakasle ona zen, laketa, ernea.
Sinonimoak: (1) atsegin, gogoko, arrai, plazent, zalegarri. (2) poz, plazer.
Muga gabetasuna laket zitzaidan. [%100 basque, Itxaro Borda]
Recent Updates Page 680 Toggle Comment Threads | Keyboard Shortcuts
-
Maite
-
Maite
doilorkeria
iz. Bilaukeria; doilorraren ekintza.
Sinonimoak: (1) txarkeria, zitalkeria, ankerkeria, bilaukeria, gaiztakeria, zapokeria, jukutria, kiskilkeria, koldarkeria, belzkeria. (2) zezenkeria, zikoizkeria, zimurkeria.
Agure hori eta bere alaba errukarria hil egin dituzte, doilorkeria osoz, gainera. [Manhattan Transfer, John Dos Passos / Lopez de Arana]
-
Maite
astrapala
Sinonimoak: zalaparta, azantza, zarata, harrabotsa, iskanbila, astrapalada, zarraparra, algara, istilu…
Oraintxe da patioko ordua, ikusiko duzu nolako astrapala, gizajo hauek umetuta bizi dira hemen. [Agirre zaharraren kartzelaldi berriak, Koldo Izagirre]
-
Maite
burrunba
iz. 1. Erleek eta antzeko intsektuek hegan egitean sortzen duten hotsa. 2. Zarata handia, adib. gauza–pilo batek erortzean edo trumoiak egiten dutena. Hurbiltzen dira lantzak, badatoz harriak burrunban. Haren bozak burrunba eginen du itsasoak bezala.
Sinonimoak: (1) zarata, azantz, danbarrada, dunbots, durundi, eran, herots, hots, hulu-bulu, iskanbila, marru, urruma, zalaparta, harrabots, zaratots (2) durundio, firrinda, purrinta
Eta ehunka tankeren burrunba entzun zuen, eta milaka bonba-hegazkinena eta milioika kanoirena. [Eguzki beltzaren sekretua, Alberto Ladron Arana]
-
Maite
xukatu
1. du ad. Zerbaiti gainean duen ura edo hezetasuna kendu. 2. da/du ad. Lehortu. Atorra bustia suan xukatu da.
Sinonimoak: lehortu, idortu, ihartu, elkortu…
Emakumeek zapi txuri bana atera zuten soinekoaren poltsikotik eta negar malkoak xukatu zituzten. [Itzarri nahi ez zuen printzesa, Felipe Juaristi]
-
Maite
furfuria
iz. (Ipar.) 1. Haserre bizia; haserrezko oldar bizia. Zernahi itsuskeria egiten ahal du bere furfurian. 2. Burgoikeria, harrokeria. Hain zen berez furfuria gutxikoa eta xehea.
Sinonimoak: (1) amorru, amorrazio, errabia, haserre, sumin, haserrealdi (2) oldar, indarkeria, bortizkeria (3) seta, tema (4) harrokeria, burgoikeria
Horrek areagotu egin zuen Hamidaren furfuria eta, masaileko bat eman zion bere ahal guztiekin. [Mirarien kalezuloa, Nagib Mahfuz / Patxi Zubizarreta]
-
Maite
deslai
(B) 1. adb. Lotu edo elkartu gabe. 2. adb. Bertan behera utzita. Gu hemen deslai utzirik umezurtz gisa. 3. izond. Lotu gabea, utzia. Txakur deslaiak.
Sinonimoak: (1) askatu, aske, lotu gabe, solte, utzi (2) abandonatu(rik), bere gisa utzi(ta) (3) bakarti, banakako, basatu, galdu, herratu…
Herri bueltan zeuden lur guztiak jaberik gabe geratu ziren, olibondoak, gari sailak eta lantzeko lurrak, deslai zeuden, zeinek landu gabe. [Riomundo, Jon Maia]
Reply