Gaurko hitza

Tagged: E Toggle Comment Threads | Keyboard Shortcuts

• 

  Maite 11:37 am on 2012/11/10 Permalink | Reply
  Tags: E   

  etxegabetu 

  ad. Etxearen jabetza kendu.

  Sinonimoak: iz.
  [etxetik bota] bidali, bota, kaleratu, etxea utzarazi [maizterra] (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es desahuciar
  fr chasser, licencier, expulser
  en to dismiss, to fire
  port despejar

  Milaka lagunek haserrea eta elkartasuna adierazi dute ostiral honetan Barakaldon, etxegabetu behar zuten 53 urteko emakumezko batek bere buruaz beste egin ondoren. Amaia Egaña zuen izena, eta etxegabetzeen bidegabekeriak eragindako bigarren heriotza da.  [Milaka lagunek haserrea eta elkartasuna adierazi dute Barakaldon (eitb.com, 2012-11-09)]
  

  Etxetik botatzetik etxegabetzera | 31 eskutik, Maite, and iñaki kasares are discussing. Toggle Comments

   
  • 

    iñaki kasares 8:26 pm on 2012/11/10 Permalink

    Eskerrik asko!! Aspaldi nabil halako definizio bila, Santurtziko AGR-207ko 30 familia etxegabetutakoon kolektiboarentzat.

  • 

    Maite 10:24 am on 2012/11/11 Permalink

    Alde batetik, pozten naiz zerbaitetarako baliagarria izan bada eta, bestetik, erabat lur jota gertatzen ari den guztiarekin. Esan dezakedan gauza bakarra da: eutsi goiari! 🙂

  Reply

  Required fields are marked *

  Izena *

  E-posta *

  Webgunea

  Gorde nire izena, emaila eta webgunea bilatzaile honetan komentatzen dudan hurrengorako.

  Δ

• 

  Maite 7:59 am on 2012/11/05 Permalink | Reply
  Tags: E   

  elkarlan 

  iz. Batzuen artean egiten den lana. Liburua elkarlanean egin dute.  (Harluxet Hiztegi Entziklopedikoa)

  Sinonimoak: iz.
  [elkarlan] taldelan, auzolan  (Adorez Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es trabajo en equipo, trabajo colectivo
  fr travail en équipe, travail collectif
  en teamwork; collaboration
  port trabalho coletivo

  Pertsona gisa heltzeko erantzukizunak hartzeaz hitz egin izan diguzu maiz, elkarlanaren garrantziaz, nork bere burua besteei eskaintzeak ematen duen pozaz.  [Uda betiko balitz, Xabier Mendiguren Elizegi (Elkar, 2003)] (Ereduzko Prosa Gaur)

   

  

  elkarlan (FlickrCC, lumaxart)

   
• 

  Maite 7:27 am on 2012/10/29 Permalink | Reply
  Tags: E   

  ezinezko 

  izlag. Ezin daitekeena (aurretik aditz baten era burutua har dezake). Ezinezkoa iruditzen zait. Ezinezko ametsak. Liburu hori ulertu ezinezkoa da. (Harluxet Hiztegi Entziklopedikoa)

  Beste hizkuntza batzuetan (Elhuyar eta Word Reference hiztegiak):

  es (aurretik aditzaren era burutua har dezake) imposible; imposible de
  fr impossible de
  en impossible
  port impossível

  Ez da posible; ezinezkoa da, erabat ezinezkoa. [Sexua noiznahi, Luis Elberdin (Gaiak, 2005)] (Ereduzko Prosa Gaur)

  Baina badaki ezinezko duela, bakoitza bere munduak bizi duela. [Errautsera arteko sugarra, Imanol Zurutuza (Elkar, 2002)] (Ereduzko Prosa Gaur)

   
• 

  Maite 8:02 am on 2012/09/25 Permalink | Reply
  Tags: E   

  engaiatu 

  da ad. Konpromezua hartu.  (Harluxet Hiztegi Entziklopedikoa)

  Sinonimoak: ad. Ipar.
  [konprometitu] konprometitu (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):

  es (1) comprometer(se), implicar(se), involucrar(se) (2) enrolar(se)
  fr (s’)engager, (s’)impliquer
  en get involved
  port implicar-se

  Ez da debaldekoa Loachekin alderatzea, iruditzen baitzait haren film batzuek dituzten bertute eta akats berberak dituela Foxfirek ere: pelikula politikoki engaiatua da –modu esplizituan konpromisoa hartzen duela, alegia; gainontzean, gauza jakina da film guztiek eskaintzen dutela, nahita edo nahi gabe, ikuspegi politizatua–. [Gerrilla feminista, Gorka Bereziartua (Argia.com, 2012-09-24)]
  

  

  Foxfire filmeko protagonistak

   
• 

  Maite 8:10 am on 2012/09/20 Permalink | Reply
  Tags: E   

  entzutetsu 

  izond. Ospetsua. Idazle entzutetsua. (Harluxet Hiztegi Entziklopedikoa)

  Sinonimoak: iz.
  [ospetsua] : ospetsu, entzute handiko, famatu, sonatu. ezezagun (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es famoso, -a, conocido, -a, célebre
  fr renommé, -ée
  en famous; well-known, known
  port famoso(a), conhecido(a), célebre

  Entzun:
  

  Unibertsitateko irakasle, hizkuntzalari eta euskalari andere entzutetsu baten alaba da. [Kurrin-kurrun vitae, Joxerra Garzia (Alberdania, 2004)] (Ereduzko Prosa Gaur)

   
• 

  Maite 10:14 am on 2012/08/28 Permalink | Reply
  Tags: E   

  errepauski 

  adb. Behar adina asti hartuz, geldiro. (Harluxet Hiztegi Entziklopedikoan ‘astiro’ begiratuta)

  Orotariko Euskal Hiztegian:

  errepauski. v. erreposki.

  erreposki (Chaho ® Lh), errepauski (H).

  Pausadamente. v. arraposki. Bere diskurtsa akhabatzen zuelarik, behatu zuen erreposki deputatu guzier. Elsb Fram 107. Berehala ohartzen naiz erreposkiago noala. Barb Sup 14. Poliki-poliki asi behar du, astiki, trankilki, erreposki. Lasterka ez da lan onik egiten. FIr 193. Orgetan ezarri zuen dena ere eta erreposki abiatu zen etxeari buruz, idien tankari jarraikiz. Lf Murtuts 34.

  Sinonimoak: adond. Ipar.
  [geldiro] apurka, astiro, astiz, baratz, emaro, emeki, geldika, geldiro, poliki, poliki-poliki, polito, baratxe Ipar., pausatuki Ipar., pirka-pirka Ipar., geldi-geldika Bizk., geldika-geldika Bizk., astiki g.e., betaro g.e., betaz zah., astiroki Ipar. zah. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):

  es pausadamente, despacio, detenidamente, con tiempo
  fr lentement, posément, doucement
  en slowly, calmly; gradually; gently
  port detalhadamente, com tempo

  –Errepauski! -oihukatu zion artzainak txakur bizkorrari. 

  

  arrapauski (GureGipuzkoa.net, Arzuaga, Jesus Mª)

   
• 

  Maite 10:12 pm on 2012/08/26 Permalink | Reply
  Tags: E   

  eztarri 

  iz. 1. Bizkarrezur aurreko lepo-zatia, faringeaz, trakeaz eta hestegorriaren goiko zatiaz osatuta dagoena. 2. (hed.) Eztarria, ahotsaren organotzat hartua. Mila eztarritatik jalgitzen zen oihua. • kontrako eztarri. (Heg.) Trakea; biriketako bidea. Kontrako eztarritik joan zaio ardo-tantaren bat eta ito beharrean dago. (Harluxet Hiztegi Entziklopedikoa)

  Sinonimoak: iz.
  [sama] zintzur, kokor Ipar., sama Bizk. (UZEIren Sinonimoen Hiztegia)

  Beste hizkuntza batzuetan (Elhuyar Hiztegia):

  es garganta
  fr gorge, gosier
  en throat
  port garganta

  Hitzak nekez ekarri nituen eztarritik ahora. [Rock’n’roll, Aingeru Epaltza (Elkar, 2000)] (Ereduzko Prosa Gaur)

  

  eztarri (FlickrCC, MrClean1982)