Updates from iraila, 2009 Toggle Comment Threads | Keyboard Shortcuts

  • Maite 8:09 am on 2009/09/16 Permalink | Reply
    Tags:   

    gorotz 

    1. iz. Animaliek (bereziki etxe-abereek) eta pertsonek iraizten duten digestio–hondakin solidoa. 2. iz. Simaurra, ongarria. 3. izond. (Ipar.) Guztiz apala eta arbuiagarria. (Harluxet Hiztegi Entziklopedikoa)

    Sinonimoak: [animaliek iraizten duten hondakin gotorra] simaur, sats Bizk., kaka beh. [ongarria] ongarri, simaur, luhumenda Ipar., ongailu Ipar., kortaitz Bizk., sats Bizk., basara g.e. (UZEIren Sinonimoen Hiztegia)

    Jardun fisiologikoa amaitu zuenean, ur-tiragailuari tiratu zion; baina, indar gehiegiz tiratzeagatik, edo, agian, urontzia matxuratua egoteagatik, huts galanta egin zuen ur-sistemak, eta hantxe geratu zen gorotz beherako higuingarri hura komun-zuloaren hondoari eta barrualdeari erabat itsatsia. [Patata soro bat, Josetxo Azkona (Alberdania, 2004)] (Ereduzko Prosa Gaur)

    gorotz

    gorotz (FlickrCC)

     

     

  • Maite 7:23 am on 2009/09/15 Permalink | Reply
    Tags:   

    tosta 

    iz. ITSAS. Txalupetan istriborretik ababorrera doan ohol horizontal finkoa. Arraunlariak bertan esertzen dira.  (Harluxet Hiztegi Entziklopedikoa)

    Goio ohol bat neurrian zerratzen ari zen tosta berria egiteko, batelaren eserlekuetako bat ustelduta zegoelako. [Lagun izoztua, Joseba Sarrionandia (Elkar, 2001)] (Ereduzko Prosa Gaur)

    tosta

    tosta (FlickrCC)

     

     

  • Maite 7:56 am on 2009/09/14 Permalink | Reply
    Tags:   

    alberjinia 

    iz. BOT. 1. Solanazeoen familiako landarea, urterokoa eta izen bereko fruitua ematen duena (Solanum melongena). 2. Landare honen fruitua, morea, obala edo mazo-formakoa eta jangarria dena. (Harluxet Hiztegi Entziklopedikoa)

    Sinonimoak:  berenjena Heg. (UZEIren Sinonimoen Hiztegia)

    Gaurkoa, hogeita sei edo hogeita hamar bat urteko bat, bereziki amorragarri zitzaidan, ez hainbeste indioilar-lepo luze lumatuagatik, baizik eta kapelako xingolarengatik , alberjinia koloreko lokarri bat besterik ez baitzen. [Estilo-Ariketak, Raymond Queneau / Xabier Olarra (Igela, 2005)] (Ereduzko Prosa Gaur)

    alberjinia

    alberjinia (FlickrCC)

     

     

    • Iñaki Agirre 9:45 am on 2009/09/21 Permalink

      Nik beranxana esaten diot

    • Maite 8:20 pm on 2009/09/25 Permalink

      Ordizia aldean beti berenjena entzun izan dut. Ondo dago beranxana aldaera hori. Non erabiltzen duzue horrela, Iñaki?

  • Maite 11:47 am on 2009/09/13 Permalink | Reply
    Tags:   

    irendu 

    du ad. Ugal-organoak erauzi edo ugaltzeko ahalmenik gabe utzi, bereziki animalienak, zikiratu.

    Sinonimoak:  zikiratu, irantzi, osatu (Adorez Sinonimoen Hiztegia)

    Irendu egin zen, bere dotrina-ikasleekin harremanak zituela pentsa ez zezan inork. [Delituez eta zigorrez, Cesare Beccaria / Juan Martin Elexpuru (Klasikoak, 1999)] (Ereduzko Prosa Gaur)

     

  • Maite 12:55 pm on 2009/09/12 Permalink | Reply
    Tags:   

    nasai 

    1. izond. (Ipar.) Ugaria. Iturri nasai bat. 2. adb. (Ipar.) Ugari. Zuganik badu argia nasai, laguntza usu. 3. Ik. lasai. (Harluxet Hiztegi Entziklopedikoa)

    Sinonimoak: (1 ) laxo, lasai, espaziotsu, zabal (2) ugari, oparo, jori, narotsu, franko (3) eskuzabal, emankor (4) libre, aske (5) lasaka, laxo, lizun (6) nasaiki  (Adorez Sinonimoen Hiztegia)

    Bai, jakin balu nola amorostua nenbilen eta nolako hurrupaldiak egiten nituen, bekatu edo ez bekatu, zoriona nasai zerion iturri batetik. [Bihotzeko mina, Janbattitt Dirassar (Elkar, 1997)] (Ereduzko Prosa Gaur)

     

  • Maite 7:37 am on 2009/09/11 Permalink | Reply
    Tags:   

    zurubi 

    iz. (Ipar.) Eskailera arina, zurruna zein tolesgarria. (Harluxet Hiztegi Entziklopedikoa)

    Sinonimoak:  eskailera, esku-eskailera, eskala, mailadi, zurgu (Adorez Sinonimoen Hiztegia)

    Ez dakit nork jo zuen kanpaia, baina ni heldu nintzenerako soka libre zegoen, zintzilik, eta inor topatu gabe igo nintzen zurezko zurubi ilun eta kiribiletik gora gorengo ganbara esturaino. [Kolosala izango da, Joseba Sarrionandia (Txalaparta, 2003)] (Ereduzko Prosa Gaur)

    zurubi

    zurubi (FlickrCC)

     

     

  • Maite 8:25 am on 2009/09/10 Permalink | Reply
    Tags:   

    txitxirio 

    iz. Garbantzua.  (Harluxet Hiztegi Entziklopedikoa)

    Sinonimoak:  garbantzu, nafarrilar (Adorez Sinonimoen Hiztegia); barbantzu, garbantzu (UZEIren Sinonimoen Hiztegia)

    Ohi bezala, zerbitzari siriarrak botila erdia eta txitxirio batzuk atera zizkigun. [Nire aitaren fusila, Hiner Saleem / Juan Kruz Igerabide (Alberdania, 2004)] (Ereduzko Prosa Gaur)

    txitxirio

    txitxirio (FlickrCC)

     

     

← Older posts

Newer posts →

c
Compose new post
j
Next post/Next comment
k
Previous post/Previous comment
r
Reply
e
Edit
o
Show/Hide comments
t
Go to top
l
Go to login
h
Show/Hide help
shift + esc
Cancel