Gaurko hitza

Recent Updates Page 469 Toggle Comment Threads | Keyboard Shortcuts

• 

  Maite 10:34 am on 2013/01/25 Permalink | Reply
  Tags: K ( 331 )   

  kalamastra 

  izond. Baldarra, traketsa; eraikinez mintzatuz, aurri-zorian dagoena. (Harluxet Hiztegi Entziklopedikoa)

  Sinonimoak: izond.
  [kalamastra] baldar, trauskil, mangelo (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es desgarbado, -a, destartalado, -a; [eraikina] que está casi en ruinas
  fr dégingandé(e)
  en ungraceful, ungainly
  port deselegante, desalinhado(a)

  Eta, hala ere, gizon segail kalamastra hori nonbait ikusia zuela zin egiten zuen. [Parisen sabela, Emile Zola / Karlos Zabala (Alberdania-Elkar, 2004)] (Ereduzko Prosa Gaur)

  Ontzi ugari dago moilan, turistak karelean erakusten dituen kruzero handi dotore bat ere bai, hirulau arrantzontzi txiki zahar kalamastraren alboan. [Lagun izoztua, Joseba Sarrionandia (Elkar, 2001)] (Ereduzko Prosa Gaur)

  

  kalamastra (FlickrCC, ruurmo)

   

  Reply

  Required fields are marked *

  Izena *

  E-posta *

  Webgunea

  Gorde nire izena, emaila eta webgunea bilatzaile honetan komentatzen dudan hurrengorako.

  Δ

• 

  Maite 9:07 am on 2013/01/24 Permalink | Reply
  Tags: M ( 290 )   

  mantxunga 

  iz. Ganga, lan edo kostu txikiaren truke eskuratzen dena. (Harluxet Hiztegi Entziklopedikoa)

  Sinonimoak: iz.
  [pagotxa] pagotxa , mauka, txoko (UZEIren Sinonimoen Hiztegia eta Elhuyar Hiztegia)

  Beste hizkuntza batzuetan (Elhuyar eta Word Reference hiztegiak):

  es ganga, suerte loca
  fr affaire, filon, occasion
  en [zortea] luck; [gauza merkea] bargain, snip
  port pechincha Æ’, achado m;

  Larria izanda ere alderdi bat edo alderdi asko ustelduta egotea, arazo nagusia da administrazio osoa dagoela —eta, finean, Estatua— mantxungaren atzaparretan. [Soldata-gainak, Anjel Lertxundi (Hitz beste, 2013-01-22)] (Berria.info)

   
• 

  Maite 9:46 am on 2013/01/23 Permalink | Reply
  Tags: K ( 331 )   

  katixima 

  iz. (Ipar.) Kristau-ikasbidea. (Harluxet Hiztegi Entziklopedikoa)

  Sinonimoak:iz. Ipar.
  [kristau-ikasbidea] ikasbide, jakinbide, kristau-ikasbide, dotrina beh., ikasti neol.  (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es catecismo, doctrina cristiana
  fr catéchisme
  en catechism
  port catecismo, catequismo

  Etsai handienak Lafitte eta Jean Chabagno misolaria zituen. Euskal literatura, garai horretan katixima zen, eta Miranderen lana amorala zen. Hego Euskal Herrian hiritar mundu bat zelako ezagupena bazuen, baina Iparraldea apez mundua zen. Poema erotikoak bazituen, masturbazioaren alde zen, lesbianak miresten eta puten bizitza deitoratzen zuen, eta homosexualen amodio nekezak aipatzen zituen ere bere lanetan. Mirande bizio guztien eramaile balitz bezala ematen zuten, eta zentsuratu zuten. [Bizirik irauteko idazten zuen euskaraz Jon Mirandek, Txomin Pelleni elkarrizketa (Ainize BUTRON, naiz.info, 2013-01-23)]
  

  Maite and Iker Garaialde are discussing. Toggle Comments

   
  • 

    Iker Garaialde 9:34 am on 2013/01/24 Permalink

    Hondarribian ere garai batean horrela esan izaten zen. Hondarribiko hizkerak frantsesetik eta gaskoieratik hartutako hitz ugari ditu. Tamalez azken belaunaldietan galtzen ari da hizkera berezi hori.

  • 

    Maite 3:40 pm on 2013/01/26 Permalink

    Lastima hitz horiek galtzea, egia esateko. Mila esker iruzkinagatik, Iker! 🙂

• 

  Maite 8:16 am on 2013/01/22 Permalink | Reply
  Tags: L ( 239 )   

  lumalari 

  iz. Idazlanak, eta bereziki literatur lanak, egiten dituen pertsona. (Harluxet Hiztegi Entziklopedikoa)

  Sinonimoak: iz.
  [idazle] idazle, idazlari, izkiriatzaile Ipar. (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es escritor, -a
  fr écrivain
  en writer
  port escritor, -a

  Gauza jakina da Euskal Idazleen Elkartea burutzekotan dabiltzala gure Herriko lumalariak. ARGIAk ezin zuen nolanahi ere gertakizun hori pasatzen utzi eta zor zaion begirunea betetzen saiatu da bere lehendakaria den Anjel Lertxundiri mutur aurrean magnetofoia ipiniz. [Andu Lertxundirekin euskal Idazleen elkarteaz, Argia (1982-10-17)]. Joxemi Zumalabe, orain gurekin ez zauden arren [pdf-tik aterata]

  Aitortu zuen, halaz guztiz, obra berriaren atarian egoki zetorkeela hitzaurre deigarria, gauzari zorrotz eta sendo heltzen zekikeen lumalari baten bizkar-bultzada, sinadura eta guzti. [Ipuin hautatuak, Jorge Luis Borges / Juan Garzia (Ibaizabal, 1998)] (Ereduzko Prosa Gaur)
  

  

  Argazkia: Ruben Plaza (Noticias de Gipuzkoa)

   

   
• 

  Maite 11:22 am on 2013/01/21 Permalink | Reply
  Tags: M ( 290 )   

  melenga 

  izond. 1. Gozoegia izanik, gogaikarria gertatzen dena. Mintzo melenga. 2. Mizkina; gutxi jaten duena.  (Harluxet Hiztegi Entziklopedikoa)

  Sinonimoak: izond. Ipar.
  [gozoegia izateagatik gogaikarria] meleka Ipar. (UZEIren Sinonimoen Hiztegia)

  Beste hizkuntza batzuetan (Elhuyar eta Word Reference hiztegiak):

  es (1) empalagoso, -a, dulzón, -ona (2) melindroso, -a
  fr (1) écœurant(e) (2) minaudier(ère)
  en (1) (gozoegia) sickly sweet / (pertsona) cloying (2) fussy, fastidious
  port (1) meloso(a) (2) afetado(a), fresco(a)

  Adeitasun handiz jokatzen zuten denek, hala ofizialek, nola damek, nola frakez jantziriko gizonek; gogaikarri ere gertatzen ziren melengaren melengaz.  [Arima hilak, Nikolai Gogol / Jose Morales (Ibaizabal, 1998)] (Ereduzko Prosa Gaur)

  “Nire bihotzaren hondora” esan nezakeen, baina hain melenga ere ez nintzen. [Neguko zirkua, Harkaitz Cano (Susa, 2005)] (Ereduzko Prosa Gaur)

  Maite and Iñaki Agirre are discussing. Toggle Comments

   
  • 

    Iñaki Agirre 8:55 am on 2013/01/22 Permalink

    Hitz honek kresalaren enbata, gaztainondoen itzal hezea eta lur aberatsaren usaina dakarkit gogora. Txikitan, Donostian “No seas milinguis” esaten genuen erdaraz, bai eta “milingis-pilingis”, bi esannahiekin, alde batetik “cursi” bezala, eta zer edo zer jan nahi ez zuenari ere.

  • 

    Maite 8:31 am on 2013/01/23 Permalink

    No seas ‘milinguis’ edo no seas ‘milindris’? Nik uste dut, txikitan, Goierrin, no seas ‘milindris’ esaten genuela… Agian, biak erabiliko ziren.
    Bide batez, asko gustatu zait adibidean azaltzen den erabilera: “(…) gogaikarri ere gertatzen ziren melengaren melengaz.”
    Mila esker iruzkinagatik, Iñaki! 🙂

• 

  Maite 9:24 am on 2013/01/20 Permalink | Reply
  Tags: A ( 569 )   

  adarbakoitz 

  1. izond. Adarbakarra. 2. iz. Alegiazko animalia, zaldi-gorputzez eta bekoki erdiko adar zuzen batez irudikatzen dena. (Harluxet Hiztegi Entziklopedikoa)
  

   
• 

  Maite 11:15 am on 2013/01/19 Permalink | Reply
  Tags: E ( 387 )   

  euri 

  iz. Ur tanten prezipitazioan datzan fenomeno atmosferikoa da. Eguratseko aire masa beroak gorantz igotzen eta hozten direnean, hodeietako lurrun tanta txikiak kondentsatu egiten dira eta ur tanta bilakatzen dira; hala, aireak ur tantak ezin dituenean eraman, horiek handiegiak eta astunegiak egin direlako, lurrera erortzen dira grabitate indarraren eraginez, eta euria sortzen da era horretan. Euri tanten diametroa 0,5 mm-koa edo hortik gorakoa izan ohi da. Jarraitu irakurtzen…  (Wikipedia)

  Beste hizkuntza batzuetan (Elhuyar eta Word Reference hiztegiak):

  es lluvia
  fr pluie
  en rain
  port chuva